楊如芯拖女HIGH爆

一二年,風流富豪趙世曾嘅囡囡趙式芝(GiGi),就自爆同鐘表太子女楊如芯(Sean)已經喺法國秘密結婚,消息震驚名人界。兩人並喺同年十一月廿二號補擺喜酒,恩愛到暈!拍過十一次拖嘅趙式芝就曾經表示,自己拍拖從來未試過超越三個月,睇嚟佢同楊如芯真係好夾,打風都打唔甩!

Ads by Google

日前,東姑去中環clubbing,喺鏞記門口見到楊如芯,當時佢拖住一個女人。東姑從後面睇,點睇都唔覺得佢拖住嗰個係趙式芝,於是好八卦咁追上前(目及)真啲,果然楊如芯拖住嘅係一位貌似張栢芝嘅中女;當時佢仲好鬼high添,一路行一路彈吓彈吓!初頭,東姑仲以為楊如心曳曳添,細心望清楚,原來趙式芝喺前面等緊佢哋一齊去夜蒲,楊如芯咁high原來係因為就快見到「至愛」啫。

楊如芯同趙式芝公認恩愛到暈,日前,東姑竟然發現楊如芯拖住另一中女喺中環出現。

東姑細心一睇,原來佢嘅最愛趙式芝喺前面搵緊路,實情係三人約埋一齊夜蒲啫。

    全站熱搜

    tvb4life 發表在 痞客邦 留言(0) 人氣()