難頂被柏豪喪鬧 劉心悠失控爆喊
由劉心悠、周柏豪、林德信做主角的電影《我老婆係明星》，日前於觀塘拍煞科戲，當晚劇情講述心悠BB被老闆林德信掟錢捧紅後，迅即爆出緋聞，二人情到濃時更於寓所樓下吻別，惜被傳媒撞破，而飾演狗仔隊的柏豪即衝前鬧爆出軌老婆劉心悠。
Ads by Google
埋位前，見導演拉柏豪即場度稿，把原本兩句「捉姦」稿大肆修改，柏豪一埋位即嗌破喉嚨鬧爆心悠說：「你以為人哋鍾意你呀？人哋鍾意你副偈（身體）咋！」見心悠BB未及反應，柏豪繼續食住上大喊：「有傳聞你已婚喎，係咪真？」被人當眾奚落的心悠BB即時嚇到爆喊，當導演嗌Cut時，心悠BB似乎仍未平復到心情，不停捽鼻抽搐，真係我見猶憐！
被柏豪爆肚鬧爆前，心悠BB依然和劇組人員有講有笑。
導演吩咐柏豪臨場加戲碼，難頂被人當眾奚落的心悠BB當場爆喊，久久不能平復。
心悠BB強忍淚水睇Playback，其助手更不時掃背安撫。
一年拍七部戲的心悠BB笑言完成手頭上工作便與母親出埠叉電，上星期仍未起行的她素顏現身中環買健康有機食品，高腰短裙露出白滑長腿的她勁吸眼球。
全站熱搜
留言列表
