翡翠雪白豆腐餃子燒茄子( 12人席$3,888/10道菜)用豆腐做餃子皮,極考功夫。饀料有雪菜、菜心和冬菇,素上湯芡加上西蘭花粒,組合清香鮮濃。 

常餐以外 

.悠蔬食 地址:銅鑼灣渣甸街 50號渣甸中心 25樓 電話: 3565 6393

不正經素食【少女味素菜館 考師傅手工】

Ads by Google

悠蔬食開在銅鑼灣商業大廈的二十五樓,不似素菜餐廳,反而像間主攻年輕人市場的樓上 café。當下午的陽光透過白色窗花落在粉藍色卡位上時,有童話庭園的夢幻感。開幕不久,已頻頻轉餐牌加入新菜式。最新的甜品——甜蜜盒子,便十足十大受少女歡迎的蜜糖吐司,為素菜飛甩老土。

 

餐廳地方不大,卻有多個廚師:中泰混血兒總廚康師傅曾於功德林擔任行政總廚達二十年,負責小炒的謝師傅也有逾十五年烹調素菜經驗,點心廚彭師傅有三十年入廚經驗,曾在東京聘珍樓工作。最有趣是八十後西廚 Ken,本來讀體育和營養學,更曾是空手道港隊代表,卻因為毋忘夢想開餐廳,跑去台灣學習素菜廚藝。
未計小廚師,已經有四個廚師八隻手,大酒樓陣容。因為素菜不會用味精和化學添加劑,要做得出色,首先講究手工心思和時間。像翡翠雪白豆腐餃子,豆腐薄切後,要放在紗布上加入饀料再對摺,壓出水分和製成餃子形時,不可弄破細滑的豆腐。單是聽製法也叫人屏息靜氣,認真考師傅手工。
餐牌上菜式款式算多,也有不少套餐選擇,每兩星期便會轉換菜式,密密來也有新意。最欣賞,有用蛋或奶的菜式會在餐牌上以圖案清楚標明,部分更可免去蛋奶,方便純素食者。為了讓更多人愛上素食,師傅們絞盡腦汁,菜式精緻又好味。與真肉幾可亂真?正確來說,比大魚大肉更令人吃得舒服滿足!老闆和師傅還有個夢想:以悠蔬食為第一步,開設路線更平民化更 young的副線。祝成功!


點心拼盤(午餐$88)有叉燒酥、上素餃、春卷和素菜包,酥皮餃皮都是老師傅手勢品質,香濃惹味完全不輸大酒樓點心,而且吃完也不會滿嘴油。 

黑松露薯蓉焗大啡菇$128餐廳用不少靚料,像意大利青瓜、松露和大啡菇,想不到菇菌加上薯蓉,中和了泥味,令菇香更馥郁。 

悠蔬食甜蜜盒子(下午茶$68包飲品)每日限量 8件,多士十分鬆化,帶點脆口,充滿牛油香。最驚喜是師傅用雲呢拿籽加奶自己打的忌廉,輕身清甜,有日本新鮮忌廉效果。

高紅素番茄汁$42以車厘茄、西芹和紅菜頭等蔬果慢磨,慢磨不會產生高溫,令蔬果營養得以保存。 

香橙熱情果凍配雲呢拿汁(午市任何套餐+$15)果凍用了寒天粉,絕無魚膠。果香酸甜,雲呢拿汁用足雲呢拿籽去做,香得天然。 

 

悠蔬食
地址:銅鑼灣渣甸街 50號渣甸中心 25樓
電話: 3565 6393
營業時間: 11:30am-11pm
泊車:利園二期$32/小時




撰文:鍾琰
攝影:梁炳權、譚俊軒、黃政熙
mailto:hotpot@nextmedia.com

    tvb4life 發表在 痞客邦 留言(0) 人氣()