朱慧珊(右)同張家瑩(左)開完會,都係話做埋手上工作,等滿約再算。 

媽咪姐

亞視去向 朱慧珊:再拖對員工唔公平

Ads by Google

黃 Sir喺《無間道》都係呃陳永仁 3年又 3年啫!但係亞視執行董事葉家寶次次出親嚟都係嗰句:「好多投資者對亞視有興趣。」媽咪姐聽到都識背喇!

 


葉家寶話好多投資者傾緊,已經講咗幾個月,呢日佢又話遺憾仲未簽約。佢仲話亞視玩到出年 4月 1日,仲有好多發展空間,或者用其他身份申請免費牌照再開台喎! 

周三( 6日),亞視喺大埔總台又開員工大會,葉家寶又係用無限 loop話有投資者傾緊收購, 4月嘅糧「如無意外」有得出,但又補充公司發展未明朗,員工自己決定去留。戴晒頭盔喎!作為鎮台之寶嘅朱慧珊開完會同媽咪姐講:「有人買係好事,但買唔買都要有個決定,再拖對員工同公司都唔公平,我想了解下新買家嘅方向,再諗自己想點。」連一向維穩嘅珊姐都開始有啲不滿喇!最慘都係班又俾人拖糧嘅亞視員工囉。

    全站熱搜

    tvb4life 發表在 痞客邦 留言(0) 人氣()