鬼祟現身綵排完,秋官原本大俠咁樣慢慢行出商場。一見到媽咪姐,佢即刻俾個倜儻嘅微笑。 

媽咪姐

丁蟹秋咁易俾你估到咩!

Ads by Google

依家嘅香港,真係令人覺得乜嘢都係舊嘅好!唔好講政府、高官、執法呢啲令人嬲爆嘅嘢喇,淨係煲劇, 90年代嘅《大時代》到今時今日都係無得輸啦!

 

一個丁蟹,已足夠大家講足 3個禮拜(成 40集,有排講㖭呀!)。阿秋官又係好戲嘅,好似星期一( 4日),媽咪姐去睇顧嘉煇榮休演唱會綵排,諗住可以近距離感受吓「丁蟹魅力」吖嘛!點知等呀等呀等,個個星都嚟晒嘞,最後連班採訪記者都走埋,就係唔見佢喎。
不過媽咪姐有着 C9仔搵唔到「老公」心不死嘅毅力!卒之,俾我發現秋官原來偷偷哋去咗另一處綵排。諗住同佢傾番幾句啦!初頭見秋官個樣笑晒口,好似有千言萬語想同媽咪姐我講㗎,但說時遲那時快,旁邊嘅女助手即刻使出一招「龍爪手」掹佢走。而秋官唔知係咪驚媽咪姐問佢同汪阿姐單咪嘴是非?對腳亦好似裝咗摩打咁,忽然加速,仲行得快過女助手㖭。唔講,真係冇人會知佢今年六十有八囉!
丁蟹即係丁蟹,邊有咁易俾你捉到路吖!


周一( 4日),明明記招通告寫住秋官會同葉麗儀、張德蘭等齊齊去顧嘉煇演唱會九展綵排,但所有人到晒,秋官遲遲唔出現喎。 

獨家捕獲丁蟹黐線啫,但秋官係專業嘅!只係佢為避是非同訪問,靜靜雞由秘道去咗九展另一處綵排。不過,點逃得過媽咪姐法眼吖,嘿! 

之前,有報道話秋官暗寸汪阿姐喺《 Sunday靚聲王》咪嘴,可能因為咁,秋官呢日要避開記者。不過汪阿姐話唔信秋官咁講。又係喎,照理無人敢話阿姐囉!

只係聽到媽咪姐話有嘢問,女助手即時閃出拉開。不過秋官 keep住個笑容㗎,以為佢想答問題㖭!點知佢對腳突然開行 turbo走人喎。 

好在走還走,秋官仲係好 gentleman嘅,仲開埋門俾助手㖭。丁蟹?做戲啫! 

《大時代》威震大台

大台一宣布第 3次重播《大時代》,全城已經講緊「丁蟹效應」。開播之後,一班網民仲發現播映期間嘅廣告愈嚟愈多,個個茶餘飯後講緊嘅,都係《大時代》。反而阿姐套《華麗轉身》真係轉到無咗影!難怪秋官要避記者嘅。無敵,惹人妒忌㗎。




攞過金像獎最佳新導演嘅郭子健就係《大時代》超級 fans,差唔多日日喺 fb洗版 post劇照 share見解。而網民對丁蟹嘅評語,梗係一面倒,撐! 

丁蟹咁癲咁狂,但現實中嘅秋官,係買餸買樓乜都俾老婆官晶華話事,馴如羔羊㗎!再一次證明,好戲囉。 

    全站熱搜

    tvb4life 發表在 痞客邦 留言(0) 人氣()