Krystal話晒得 21歲,新陳代謝快係正常,再加埋平時練舞,跳出馬甲線又有幾難。 

出外埠

Krystal馬甲線贏具荷拉

Ads by Google

韓國最興搞啲乜乜乜排名,韓媒呢期又揀咗佢哋心目中最正嘅女星嘞!

 

作為「馬甲線」代表嘅女團 f(x)成員 Krystal,就憑佢條「 11 line」,竟然贏咗有「螞蟻腰」之稱嘅女團前輩 Kara成員具荷拉,得到「最想擁有嘅腹部」大獎!查實具荷拉擺明讓賽,佢前排喺訪問節目現場度腰,連埋件衫度都係得 24吋咋!但佢話:「腰太瘦喇!所以努力做腰部運動,結果真係尺寸多咗少少。」嘩,特登整粗自己條腰呢啲,真係唔係常人可以理解喎。


Krystal被評為圈中最 fit女星,所以佢出親騷,都會揀低腰褲晒吓。 

今年 22歲嘅 IU,就攞咗「最想擁有肌膚」大獎!佢被公認皮膚最好,從來冇見過生暗瘡,近睇仲零毛孔㗎! 

24歲嘅具荷拉出道多年,最引以自豪係佢條 20吋嘅「螞蟻腰」。不過佢話自己太瘦,想條腰粗啲喎!

    全站熱搜

    tvb4life 發表在 痞客邦 留言(0) 人氣()