25.jpg
餅印母女陳嘉容與母親感情極好,她收藏了不少二人合照,母女十足餅印一樣。 

名人潮

感激母親獨力養家 陳嘉容︰寧願我短命少少

Ads by Google

一年一度的母親節又到,仔女們例必有搞作,至少請媽咪食飯、送禮以表孝心。與其等特定日子慶祝,不如花時間用心陪伴,其實日日都可以是母親節。

 

名模陳嘉容( Eunis)打扮入時,不過前衞外表裏面包含住傳統思想,她將家庭放在第一位,是切切實實的孝順女。提到母親,她特別激動,「我每星期都一定要見媽媽,唔見佢唔安樂。因為 70幾歲老人家,盡量見得幾多得幾多。我成日都好驚,我寧願我短命少少,俾多啲佢。」除了經常見面,陳嘉容更會定期帶母親出國旅遊,珍惜一家人相處時間。其實父母長憂子女同時,子女又何嘗唔擔心要與摯親分別呢!

26.jpg
陪伴到老「每次見媽媽,我都會攬佢錫佢,依家佢行路冇以前咁好,我去到邊都會拖實佢。」 
27.jpg
hea遊峇里 

 

每年母親節,陳嘉容例必與三位家姐、弟弟,一同與母親出外食飯慶祝,今年也不例外。「我好珍惜同媽咪相處時間,希望佢日日都開心。以往母親節,我會送絲巾、手袋、衫,又試過親手做蛋糕俾佢。但近年我都係覺得俾封大利是,等佢自己買鍾意嘅嘢實際啲。」陳嘉容與母親感情極好,保持良好關係要由她小時講起。


無敵靚景去年陳嘉容一家到馬爾代夫,享受 6日 5夜的快樂旅程。「我哋 8個人住 4間水上屋,日日走過隔籬屋拍門叫醒大家,然後一齊食早餐,游水、玩水上活動。」 

陳嘉容經常周遊列國,她指與家人同行特別開心。「同屋企人去旅行係另一番感覺,係好溫馨嘅天倫樂,唔係咁容易夾到齊人出發。」 

馬爾代夫陳媽媽愛游水,陳嘉容(右一)一有空檔,便相約三個家姐,帶她出國旅遊,地點以陽光海灘為主。

養起一家七口


以往的母親節,陳嘉容一早準備禮物送給媽媽。近年她改送較實際的大利是。 

陳嘉容爸爸於她十多歲時,跟另一個女人走佬,最後由她母親獨力撐起一家七口。「要講我同媽媽嘅難忘事,應該係當年佢同爸爸嗌交嗰日,之後爸爸就離開咗屋企。當時我都好傷心,但唔可以一直傷心落去,落完雨第二日一定有太陽。」她遺傳自母親的超強正能量,但她每提起媽媽當年獨力養家,猶新的記憶,讓她特別心痛。「每一次望見媽媽額頭上多咗皺紋,我就會諗起,媽媽係幾辛苦。佢當年日間做收銀員,夜晚就拎嘢返屋企做,穿膠花、剪線頭。佢乜嘢都係為頭家,要兼顧做嘢、煮飯,好刻苦養大我哋。」

憂與母親分開

雖然母親忙於搵食養家,陳嘉容坦言媽媽自小對他們十分嚴厲。「我哋細個都會幫手做家務,減輕媽媽負擔,放學會自律做功課。媽媽好着重家教,最緊張儀態、禮貌,好似食飯前一定要叫人、叫人幫手一定要講 thank you。」陳嘉容指自細開始,事無大小都由媽媽作決定。她以樹熊作比喻與母親的關係,「我自己就好似一隻樹熊攬住媽咪呢棵樹,想永遠都要有佢存在,我攬住佢嗰陣好有安全感。」
78歲的陳媽媽,耳朵聽覺比之前差,試過去游泳作物理治療之後,棉花留耳蝸,令陳嘉容誤以為母親聽覺變得更差。「嗰次真係俾媽媽嚇親,依家佢有咩唔舒服,我就好驚好想喊。我好希望媽媽可以有一百歲,等我好好令佢享福。」


撰文:名人組
攝影:攝影組

    全站熱搜

    tvb4life 發表在 痞客邦 留言(0) 人氣()