10.jpg
韓馬利已經步入花甲之年,不過活力比很多年輕人還要充沛,狂舞一個鐘也不喘氣。 

娛樂喧

花甲 dancing queen 韓馬利舞出 23吋黃蜂腰

Ads by Google

去年夏天, 49歲韓國大媽鄭多燕的健身舞風靡香港。唔講唔知, 60歲的韓馬利,自小練得一身好舞功,芭蕾舞、中國舞,甚至 Hip Hop、 Funky同 Zumba都跳得好,現時更跳埋瘦身舞。
活力十足的韓馬利,廿多年來 keep住兩份工,當演員外,更擔任 i Dance跳舞學校的行政總監。難怪體重一直 keep住 1百磅, 23吋黃蜂腰,羨慕死唔少後生女。

 

韓馬利年輕時非常任性,愛情至上等嫁,雖然 21歲已當上《陸小鳳》女主角上官飛燕,但對事業毫無野心。 30歲已經歷了兩次婚姻失敗,她說:「如果冇之前嗰兩段婚姻,可能我依家仲係一個好唔掂嘅人。」

11.jpg
男導師林泳的舞步很快,但韓馬利仍然能夠緊貼,唔輸蝕俾後生仔。 
12.jpg
去年底韓馬利曾經跟兩名男導師出騷表演,迅即走紅,她的勁舞令在場觀眾看得目定口呆。 

49歲的鄭多燕,因為跳健康舞馳名,不過相比 60歲的 Mary姐,後者 keep得更纖瘦。

 

 


當年韓馬利是電視劇《陸小鳳》女主角,又主持《 K-100》,多線發展。 

生活冇安全感

韓馬利低潮時,幸得好友鄭明明陪伴,令她慢慢開竅。鄭曾向她說:「你唔可以靠 TVB一份人工,有一日公司唔同你簽約,咁點算?」自此韓馬利不斷自我增值,考獲國際美容師牌,她與現任 i Dance老闆 Grace搞完美容生意後,再合作搞跳舞學校。
「我由細到大都冇安全感,所以我一直 keep住做兩份工。依家呢份工可以做番我喜歡做嘅嘢,因為以跳舞為主。我鍾意講嘢、識朋友,每一日返工跳舞外,就係同客傾偈,搵到好多滿足感。」
韓馬利一直以為打兩份工身心亦能取得平衡,奈何三年多前竟患上焦慮症。
「有一日突然間食食吓嘢,手震、心跳、冒汗、唞唔到氣,好似俾石頭壓住,我唔知咩事。去睇家庭醫生,佢聽完我講病徵叫我走,話只係心理作用。我嗰時幾乎企喺度都冇力,仲有幻聽,聽到有把聲講『你冇鬼用㗎!你死咗去啦!你知唔知你傻咗喇!你要入青山!』有幾次過馬路,我都想衝出去,不如死咗算數!」
最後韓馬利得到教會的姊妹幫忙,逃出鬼門關,「佢係心理醫生,話俾我聽係焦慮症!但我從來冇擔心過任何嘢……佢話香港人大部分都有焦慮症,係因為對自己要求好高,同自己競賽。當你做唔到,會埋怨自己,覺得自己冇用……」


60歲的韓馬利皮膚甚有彈性,談笑風生的她,沒想到曾患過焦慮症。 

雖然韓馬利沒有教跳舞,但是她仍會不時返 i Dance與客人交流心得。 

蘇志威是 i Dance舞蹈總監,學校內很多舞步都是由他創作的。

跳舞醫焦慮症


除了舞蹈學校,韓馬利仍然繼續拍劇,剛播完的《水髮胭脂》她也有份演出。 

經歷過焦慮症後,韓馬利才重新認識自己,學會接納自己唔係萬能。「冇咗健康,銀行有幾多錢又點!我嗰時有病(焦慮症),一粒藥丸都冇食過,因為跳舞可以抒發好多唔好情緒,仲會練到注意力,對個病好有幫助。」運動不但有益身心,又 keep到身材。難怪她一周最少跳三日,每次個半鐘,年過 60跳足一粒鐘都唔喘氣,勁過唔少後生女。

活力索 old嬋

圈中不少女星雖然踏入花甲之年,不過仍然活力十足,樣靚身材正。無論工作或運動,比年輕人一點也不輸蝕。

60歲趙雅芝
行善積德
近年來趙雅芝除了夥拍汪明荃,拍攝王晶的劇集《風雲天地》外,主要從事公益活動。樣靚年輕,身材苗條的她,坦言每日靠湯水進補 keep靚樣。

 

63歲苗可秀
養尊處優
當年紅極一時的「龍女郎」苗可秀,近年來只是偶爾在電影中客串一下。正因為工作悠閒有足夠休息,即使素顏仍然散發出魅力,充滿星味。

 

63歲陳曼娜
永不言休
陳曼娜入行 40年,從來沒有停止過工作。近年轉投港視拍攝《選戰》,角色影射工聯會陳婉嫻,曾一度受注目。


採訪、撰文:林碧洋 
攝影:邢華、葉兆康

    全站熱搜

    tvb4life 發表在 痞客邦 留言(0) 人氣()