冇咗 Sam Neill,又冇咗 Jeff Goldblum,原來唔係史匹堡 idea,係新導演堅持,因為無理由佢哋會返去侏羅紀公園喎。又合理喎。 

電視精

侏羅紀 好驚定好笑?

Ads by Google

《大時代》, 1992年出品,全香港一齊睇。
有乜咁出奇?係好嘢,睇過會想再睇,未睇過又想睇番。同樣係九十年代初出品,《侏羅紀公園》( Jurassic Park),阿叔輩如我,一定睇過;妹妹輩如你,至少聽過。事隔廿幾年,竟然再拍成延續篇《侏羅紀世界》( Jurassic World)。
加埋年底的新《星球大戰》。老餅萬歲!

猿人編劇孭飛

1993年,史提芬史匹堡炮製出《侏羅紀公園》( Jurassic Park),美國票房高達四億美金,一度成為史上票房之冠,奧斯卡又攞咗三個技術獎,威盡。 1997年推出續集,有啲𤓓味,仍然收過兩億;到 2001年,史匹堡唔再拍,轉用另一個導演,仆直,票房仲頂到有億八,但口碑差到無朋友,終於肯收手。
講真,近幾年,漫畫人物威盡,恐龍已經 out out哋,小朋友見到都未必驚。再拍第四集,似玩集體回憶多過要搞什麼新意。史匹堡老人家當然唔會陪你冒險,只任監製,導演一職由新人 Colin Trevorrow接手。更大信心來源其實是編劇班底,話晒創作過口碑極佳嘅新版《猿人爭霸戰》。分別係,《猿人爭霸戰》係由頭到尾再拍一次,《侏羅紀世界》係食番廿幾年前的水尾寫落去。


特技進步,恐龍用電腦做,唔使模型。究竟係真咗,定假咗? 

講真,條恐龍的情況,有啲似貞子。 

歐亞加盟

既然玩懷舊,無謂咁複雜,故事講侏羅紀公園正式落成,改名侏羅紀世界,開業十年,好平安。但生意額下滑,管理層做嘢,冒險推出新品種,以為可以吸引新玩家,咪出事囉。
第一代、第二代的角色幾乎全部無份,係得番喺第一集位博士回歸。主角變成《銀河守護隊》( Guardians of the Galaxy)位星爵 Chris Pratt,搭住 Bryce Dallas Howard。睇落去,卡士一般,唔係進化咗好多,似係原地踏步喎!原來玩國際化,找來《閃亮人生》法國影帝 Omar Sy加埋《美味情書》印度影帝 Irrfan Khan坐鎮。歐洲亞洲加美洲都有代表。
頂,咁點解唔搵埋范冰冰喎,著住武則天件戲服,俾恐龍追殺,一定好好睇。如果心口唔會加塊布的話。


Bryce Dallas Howard拍完上一代《蜘蛛俠》,做 Gwen Stacy之後,發展不算太好。今次算難得上番一線。 

Chris Pratt今年 36歲,第一集《侏羅紀公園》係佢最愛電影之一。有份拍,好開心。抵佢紅。 

撰文:方俊傑
mailto:hotpot@nextmedia.com

全站熱搜

tvb4life 發表在 痞客邦 留言(0) 人氣()