羅家寶家中養了不少狗,當中包括藏獒。 

編輯室手記

佢話放狗咬我!

Ads by Google

上週五突然收到記者電話,喘晒氣話:「佢話放狗咬我喎!」真係被佢嚇親。
羅君兒被綁架勒索 2,800萬案上週震撼全港,其後她出來開記者會證明自己安好無恙後,仍留下大堆謎團未解,於是記者繼續想方設法採訪,希望獲得更多資料,其中一隊記者除了在羅君兒家外死等外,也嘗試走去飛鵝山她的伯父羅家寶家碰運氣,點知又有一番奇遇。

 


記者也明白羅家寶因為對採訪感到抗拒,所以才由開始的禮貌態度,轉為發脾氣說要放狗。 

去到飛鵝山豪宅,記者諗諗吓喺門口等唔夠主動,於是試吓直接去按門鐘,點知主人竟然親自出來開門,仲帶埋佢入客廳坐低好好招呼咁,真係估佢唔到。其後女兒 Wendy落樓話唔識記者唔想回答,羅家寶開始變得尷尬,初時仲肯回答問題,話全程冇人通知佢綁架案,跟住一路話唔知,一路有禮貌請記者出門口。
記者唔死心,回頭又再補問,羅家寶突然火冒三丈,大聲叫道:「你再唔走我放隻藏獒咬你㗎!」正所謂出來採訪咩人未見過,但俾一個身家幾十億嘅富豪話放狗咬人真係未試過,記者望一望屋內,果然有隻高大嘅藏獒喺度,真係無奈。
出來採訪要執生,單單拍門採訪都有唔同技巧,死等或者送果籃或者扮 friend,真係單單唔同。到古仔返咗來,點樣包裝搵角度,又係另一門功夫。
好似今期 Phoebe隻「小一面試風雲」專題,點樣更加吸引地去表達隻古仔, Phoebe左度右度靈機一觸,呀,不如去掉記者角色,直接去拍攝唔同家長嘅疑問,然後將佢哋啲疑問播俾名校校長睇,再由校長拍段片逐個問題拆解,來回互動咁試吓新方式,等雙方問答都到位,其他家長讀者藉此可得到最想知嘅答案。
由採訪到編輯部包裝古仔,做得呢行除咗支筆,就不斷要用腦創新,最好單單都有唔同玩法,咁做嘅記者有興趣,睇嘅讀者都自然會過癮。(麥景慶)


mailto:centipede@nextmedia.com

tvb4life 發表在 痞客邦 留言(0) 人氣()