花咗十幾萬廣告費,喺亞視炮製搖滾音樂節目嘅梁安琪,結果搖滾變火滾! 

探熱針

靠搶 回購版權 亞視吊高嚟賣 梁安琪怒轟:我唔係甄子丹

Ads by Google

亞洲電視成為香港史上首間不獲續牌電視台,梁安琪( Angel)見對方早前透過賣地及向中國 3D數碼娛樂有限公司轉讓廿九套經典電視劇版權套現,於是提議買回在亞視落廣告播放的特約音樂節目《搖擺天使》;豈料亞視開出三十萬一季十三集(每集十分鐘)的搶錢價,梁安琪忍唔住寸爆亞視:我唔係甄子丹,我拍嗰啲唔係《精武門》囉!

冇收錢白做

做過區議員回歸樂壇後,梁安琪創辦了「搖擺天使勁 Band音樂節」,推動本地 band sound,先後與亞洲電視合作過《 Loving Hearts, Loving Bands》、《感動香港》、《星動亞洲》及《 ATV我們這一家》等,亞視財困,梁安琪義不容辭幫手。
「我幫佢哋拍嘅節目,佢哋有問過我想點收(錢),收正價又俾唔起,所以我一毫子都冇收到,呢三年來一直都拍緊,喺亞視出心出力,助理總裁冼偉智( Tony)仲叫我搞《搖擺天使勁 Band音樂節》,唔好玩啦,都冇得續牌,仲搞乜吖!」梁安琪說。


梁安琪自費節目《搖滾天使》每星期一集,每集只播十分鐘,等同廣告。 

成日話籌唔到錢出糧俾員工嘅葉家寶,呢頭拒絕王維基每月五百萬租亞視頻道播劇,嗰頭又將版權費吊高嚟賣,究竟佢想點? 

今年初梁安琪不收分文撐亞視騷,關係友好,點知轉過頭雙方不歡而散。

嗌價高

據知,梁安琪早前曾效法中國 3D數碼娛樂有限公司的做法,向亞視提出買回去年自己一手一腳製作的《搖擺天使》,點知亞視獅子開大口,版權賣斷要收三十萬。
「唔係幫亞視拍,我係有俾錢買廣告時段,拍嘅係特約形式,我價都冇講過,每集十分鐘,多數係介紹獨立 band,製作搵場地全部都係我搞,亞視只係出隊攝製隊。」
一季十三集的《搖擺天使》,每集雖然只得十分鐘,但梁安琪說這是很多人的心血。
「亞視不獲續牌不斷變賣資產、版權,但又要嗌價咁高,我個節目只係介紹 band sound,令佢哋有多條出路曝光,我唔係甄子丹,唔係《精武門》。我去信要求收平啲,到而家都未收到回覆。」梁安琪說。


蕭定一的中國 3D數碼娛樂以五百萬就購回廿九齣,共 1067集父親蕭若元當年有份參予創作的經典電視劇,包括《大地恩情》及《浮生六劫》等。梁安琪個節目相比之下,叫價又真係狼咗啲。 

《大地恩情》 

《浮生六劫》

唔守信

梁安琪買回版權的理由,是想將來放在其他平台當廣告播,被㩒住搶的她,更炮轟亞視不守承諾。
「亞視唔好以為我買番個版權係賺錢,可能因為我之前帶過一個喺美國做電視機頂盒嘅朋友參觀亞視,佢哋誤會我係用嚟喺美國機頂盒播賺美金。獨立 band又唔出名,邊會值錢呢?
「仲有呀,亞視之前搞個音樂比賽,話贏咗會幫個冠軍樂隊拍 MV播,個 MV拍咗咁耐,問極佢哋點解唔播又冇答覆,個台都冇乜新嘢播,有新 MV又唔播,真係唔明佢哋搞乜。」梁安琪說。


二千年,從政當區議員的梁安琪,偕男友曾航生雙雙宣布離開民主黨。二人分手後,男方做咗無綫藝員,佢就搞番音樂。 

梁安琪辦公室放滿不少珍藏唱片及與國際歌手的合照。 


為救被亞視拖糧的員工,今年初王祖藍率隊搞嘅《 Hea爆演唱會》花 3萬元,喺亞視賣廣告, 30秒廣告可播 80次,計起每次只需 375元,平到爆! 

撰文、攝影:娛樂組
mailto:nextb@nextmedia.com

全站熱搜

tvb4life 發表在 痞客邦 留言(0) 人氣()