早前霆鋒為新戲拍攝追賊場面,全程保持一號表情, chok! 

探熱針

睇拍戲 影帝謝霆鋒  Chok住碌地捐車底

Ads by Google

劉青雲和謝霆鋒兩個影帝合作的新戲《驚天破》,要在上海、泰國、台灣巡迴取景外,上月尾,劇組拉隊到七•一「重災區」龍和道一帶取景,片酬要千五萬起跳的謝霆鋒,又碌地又捐車底,全部親身上陣,但點郁都好,卻不忘時刻保持一號表情, chok!

龍和道埋位

飾演警探的謝霆鋒,和扮演犯罪心理學家的劉青雲,一文一武,聯手破案;戲中的動作戲份,郭子健全部交俾霆鋒,大部分動作戲都是親身上陣。
「劇組幫霆鋒買重保險外,佢自己都有加大保額。因為有大量動作戲,原本身手都好靈活嘅霆鋒,埋位前兩個月專登去咗學功夫,做足準備;除咗打得,佢仲要睇得,試造型都要試幾次,有啲戲服仲係私伙。」一名劇組人員透露。
早個禮拜(四月二十六日),劇組在金鐘龍和道一帶拍外景,黃昏時分,穿著黑色西裝的霆鋒在助手陪同下現身,埋位前,先跟動作指導試走位,現場所見,他不時指手畫腳,提出意見,試位時亦瞓晒身,冇偷雞;試了兩次便正式拍。由救護車跳下追捕疑犯的霆鋒,要跨過一部私家車,瞓身碌落地再捐入車底。等導演叫 roll機,霆鋒已經一副 chok樣,完成連串動作後,依舊保持同一個表情, chok樣冇變。只拍了兩 take,導演便滿意收貨。


當晚霆鋒親自上陣,又碌地又捐車底,拍了兩 take,導演便收貨。 


為咗動作戲去學功夫的霆鋒,身手靈活,在動作指導提點下輕易完成動作。

停機歎雪茄

走埋攝影機旁睇 playback的霆鋒,下意識擺出 chok pose,擔住雪茄跟導演交換意見。
餘下來的鏡頭都非常簡單,霆鋒行行企企,輕鬆一兩 take,導演便收貨。
拍到晚上十一點半,最後一場在香港取景的戲份搞掂,謝霆鋒大叫:「收工啦!」十足老細款!


開工期間霆鋒時時刻刻都保持一副 chok樣。 

兩影帝劉青雲及謝霆鋒合演新戲《驚天破》,在戲中聯手破案。 

碌完地沙,霆鋒即吩咐助手遞上水洗手。

霆鋒邊睇 playback邊歎住雪茄,同導演交換意見。 

完成香港戲份,大隊移師到泰國開工,霆鋒更被網民拍得在當地拜四面佛。 

撰文、攝影:娛樂組

tvb4life 發表在 痞客邦 留言(0) 人氣()