嘩,和味喇!(設計對白) 

探熱針

5.29再擺酒 梁烈唯收多次人情

Ads by Google

去年元旦,梁烈唯與拍拖十一年的女友 Tina簽字註冊,當日一切從簡,婚禮只招待雙方家人及至親好友。據知,唯唯已定本月廿九日於尖沙咀洲際酒店擺五十圍, encore多次請朋友,收多次人情,和味!

老細投訴

可以共患難,有景後可以搬離天台屋的梁烈唯與 Tina亦可以共富貴。「唯唯個人睇落好花弗,識佢嘅都知佢係得把口, Tina同佢一齊咁耐,彼此有晒默契同信任,感情冇咁容易受動搖啦!」
一四年一月一日,二人結束馬拉松之戀,註冊當日,一切從簡。
「佢兩個都識落好多圈中朋友,但簽字嗰日只係雙方家人同最好嘅朋友食咗餐飯,因為場地有限,請唔到咁多人。」知情者說。
無論圈中好友,抑或公司老細和高層,當日均未獲邀觀禮,事後梁烈唯不停被投訴。
「做咗咁多年,佢一向識做人,其中有唔少朋友仲係老細級,結婚都冇請飲,自然多說話!其實嗰日佢哋都收到唔少賀禮,苗僑偉同三嫂當正唯唯係細佬,簽字嗰日已經俾咗封大利是佢,仲有曾志偉同張智霖出手都好重,而家再擺多次酒,三哥佢哋肯定照做人情。」


今年元旦,梁烈唯與 Tina在將軍澳 Crowne Plaza行禮,由於場地有限,只能宴請至親好友,未能人人都請。 

曾志偉睇住梁烈唯大,就算再忙,都會抽空出席。 

三哥與三嫂視梁烈唯如弟弟一樣看待,據知行禮當天,兩人封了一封大利是給一對新人。

場地升呢

梁烈唯去年在將軍澳的 Crowne Plaza行禮,今次再擺酒,升呢到洲際酒店。
「要擺至少五十圍,洲際個 ballroom夠晒大。今次擺酒發嘅喜帖,設計亦係唯唯建議,佢係超級 UFO迷,晚宴主題亦會同太空有關,所以佢將張帖都搞到好似登機證咁,等班賓客好似上太空船咁喎!」知情者說。
梁烈唯囍宴,由阿 Bob、鄭俊弘、衞志豪等擔任兄弟團, Tina的姊妹團則有陳敏之、應采兒、胡定欣和剛坐完月的鄭希怡等。


梁烈唯及 Tina兩公婆有很多圈中朋友,連張智霖及袁詠儀也有見證二人行禮,非常俾面。 

太太梁潔華抱恙,黃日華與黃芷晴父女上陣恭賀一對新人。 

楊秀惠是梁烈唯的好友之一,五月擺酒,當然唔會請漏佢,梁烈唯還親自派帖,有晒誠意。

姊妹團

 


鄭希怡 

胡定欣 

應采兒 

陳敏之 

兄弟團

 


袁偉豪 

鄭俊弘 

林盛斌 

衞志豪 

彈性處理

結婚要擇個好日子,還要選擇擺酒場地,有好日子但夾唔到擺酒場地個期,好多人都會先簽字註冊,之後再擺酒,彈性處理。

 

鄭希怡與梁學儲
2013年 11月,二人在蘇梅島行禮,翌年 9月才在港島海逸君綽補擺喜酒及簽字註冊結婚,一對新人出動三十人兄弟姊妹團, Twins及容祖兒更逼班兄弟食「屎」,超好笑。

 

吳雨霏與洪立熙
2015年 1月,洪立熙在意大利向 Kary吳雨霏求婚並舉行訂婚儀式,之後一對新人再轉到美國正式註冊,今年 6月才補擺喜酒。


撰文、攝影:娛樂組
mailto:nextb@nextmedia.com

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()