(《蘋果日報》圖片) 

探熱針

周子揚未見家長 何傲兒唔放林建名

Ads by Google

同周子揚散完再復合,孖咇食飯、外遊首爾斷到正的何傲兒仍死口不認戀情,更加強調從未帶過男方返屋企見家長。努力撇清關係,無非怕得罪未斬纜的爺級男友林建名。
上週日(五月三日),林建名的愛驅「精靈大少」於沙田馬場出賽,近期忙於為新劇《波士早晨》開工的何傲兒,下午二時一副戰鬥格,傍實大少現身馬場,其間還貼心為對方準備豆腐花,再續爺孫戀。
要開工又要分身同周子揚拍拖,仲要唧時間服侍「爺爺」林建名,何傲兒好忙!

 

 


遲到的何傲兒,入到馬場第一時間同大少打招呼。 

何傲兒同大少的囡囡雞啄唔斷,好啱嘴形。 

落到沙圈企開啲


大少帶住何傲兒一家落沙圈同騎師打氣。 

週日沙田馬場賽事,林建名的馬匹「精靈大少」出賽第七場。下午一時午飯時間,何傲兒父親何世根傍實大少,現身馬場二樓,進入只招待會員的 JC Club準備食自助餐。一小時後,化行妝、踩住三吋高踭鞋的何傲兒單拖到,同林建名先打個招呼,再去攞嘢食。由於是會員專用地方,人流不多,何傲兒明顯放下戒心,不時同「爺爺」傾偈,更親自幫對方攞豆腐花做飯後甜品。
接近賽事舉行,食飽飽的林建名帶住女兒和何傲兒一家,落去沙圈同騎師打招呼。公眾地方企滿外人,何傲兒自動波彈開兩個身位,同林建名保持距離,雖然有美相伴,但「精靈大少」未能跑出,賽事後,何傲兒亦先行離開。

認「爺爺」做家人

在新劇《波士早晨》扮醜女的何傲兒,本週一(四日)下午三時,由父親護送到中環做 facial。
對於同林建名馬場短聚,何傲兒直認不諱:「係呀,尋日係 family day,我同 Daddy、佢(林建名)同屋企人。(怕唔怕周子揚唔高興?)如果啲人再 focus喺嗰啲(爺孫戀)都唔怕,我行得正企得正,唔怕人亂寫。我覺得外面啲人再信,簡直係傻豬豬囉!」
以 family形容與林建名關係,但對於多次拍拖被斷正的周子揚,何傲兒提都唔想提。
「我而家專注工作喎……(同周子揚嘅關係呢?)朋友囉……我覺得好多嘢都講緣分。」問她是否等緊周子揚,何傲兒馬上澄清:「唔係!我等緊 Daddy嚟車我。」
等候期間,見記者收起攝影器材,戒心下降的何傲兒自爆周子揚還未有機會見家長,「 Daddy只喺電視上見過佢!」
二人之間有個林建名,周子揚想光明正大做何傲兒男友,未係時候!


何傲兒除了自己不停食,還細心為大少攞定豆腐花作飯後甜品。 

何傲兒父親何世根一早傍實大少入馬場。 

去年八月何傲兒、周子揚剛撻着,兩人不避嫌街頭連環激嘴,兩星期後女方以未 ready為理由,單方面宣布分手。(《蘋果日報》圖片)

過去半年多次密會斷正,何傲兒仍堅稱與周子揚只是朋友關係。 

(《蘋果日報》圖片) 

撰文、攝影:娛樂組
mailto:nextb@nextmedia.com

全站熱搜

tvb4life 發表在 痞客邦 留言(0) 人氣()