原本預產期在六月中的洗米嫂,為怕洗米華會搵 Mandy過生日,於是諗了條「絕世好橋」,就係提早開刀生仔,要「小米」同老豆同日生日。 

探熱針

惡鬥 Mandy 洗米嫂提早剖腹 「小米」同老豆同月同日生

Ads by Google

Mandy Lieu同洗米嫂(陳慧玲)的「搶米戰」愈來愈激烈,一直沉默的 Mandy上星期五突然蒲頭 Instagram,上載一張火紅索爆泳衣照,立即惹來洗米嫂極大反應,連洗米仔(周柏豪)都加入戰團。
洗米嫂公開留言:「我有仔有女有家人,又豈可以輕言放手呢,我一直在努力維護和捍衞自己的家庭啊。」講得出做得到,為霸實老公周焯華生日正日,洗米嫂決定提早約兩星期開刀生 B,揀好老公五月三十日生日當天生仔,以 BB做籌碼,等周焯華以後每年牛一都要留守屋企,陪「小米」 BB一齊過生日,呢一招,夠晒絕。

大反應

近日每逢 Mandy Lieu有任何動作,或者有關她與男友周焯華的恩愛報導出街,都會觸動到洗米嫂神經,定必作出反擊,可惜一連串還拖行動似乎無甚效用。 Mandy的受寵,與日俱增。
為進一步鞏固防線,據知已經有七個多月的洗米嫂,決定出絕招。預產期在六月中的她,一早 book定養和醫院產房豪華套房,又搵風水師傅揀定六月中好日子生 B。但見老公周焯華無論幾忙,都抽時間陪 Mandy呢度去嗰度去,上個月更密集到去勻英國、法國、日本,洗米嫂就只有周焯華人在澳門期間,才有機會見到老公。


同樣有了七個多月的 Mandy,個肚偏細,樣貌同身材冇乜走樣,難怪洗米華對她寵愛有增無減。 

就係因為這個冒認 Mandy所開的 Facebook,令到沉寂一時 Mandy蒲頭回應,結果引來連串風波。 

洗米嫂已訂了養和最豪套房,準備迎接「小米」出世。(《蘋果日報》圖片)

為了要提早生 B,洗米嫂努力進補,個肚大足 Mandy幾倍。 

先斬後奏

輸人唔輸陣!據了解,洗米嫂已改變主意,在未有同老公商量下,迅速將醫院產房和醫生期全部提前到五月底,提早兩星期開刀生 B,刻意安排 BB可以和老豆同月同日,五月三十日生日。
「 Heidi(洗米嫂)自己都講過,總之每逢大時大節,老公識返屋企就得,佢亦知道嚟緊華哥(洗米華)生日正日,大家都會𥄫住究竟係同邊個過?佢擔心萬一華哥去咗 Mandy嗰邊,佢會輸晒好冇面,但如果揀喺嗰日生仔,華哥咁重親情,就一定會留喺 Heidi身邊,睇住 BB出世,仲有,之後每年華哥生日,都大條道理,要求個老公同 BB一齊慶祝,呢個辦法係唯一,亦係必贏嘅。」洗米嫂身邊人說。
不過,如果參考有四頭家的賭王何鴻燊做法,生日四房逐人去勻,洗米嫂未必如願。


去年十一月 Mandy人肉坐墊爆出後,洗米嫂有樣學樣,在今年二月去旅行時,要洗米華扮坐墊,明寸 Mandy。 


Mandy同洗米華法式濕吻曝光,洗米嫂即刻出招,流出同洗米華扮啜相,同埋兩人攬實行街相。

(《蘋果日報》圖片) 


Mandy在星期日(五月三日),在 ig貼了一張收到洗米華送花相,巧合地兩日後洗米嫂又在 facebook貼上收花相,不過紮花就唔係洗米華送。


前年洗米華生日,在澳門搞了個泳池 party,還邀請了一班水著𡃁模助興,相當熱鬧。 

網上開戰

上週五( 1/5), Mandy突然在個人 ig上載索爆泳衣照後,立即觸動洗米嫂神經,吹雞搵埋繼子周柏豪在 Mandy ig開火,展開連場罵戰。

 

2:45pm
Mandy在 Instagram罕有現身,上載火辣泳衣照並留言:「 You can't be me darling, so don't even bother… That's just pathetic.」(親愛的,你不能成為我,所以唔好做咁多嘢……只會顯得你可悲。)仲話自己嘅身形冇可能著到「 XXL」,話如果想打擊佢的話,就先做好自己先,句句有骨。

7:28pm
洗米華大仔周柏豪在 Mandy ig回覆:「 Darling, if you have anything you wanna imply, just straight out say it?」,叫佢有咩直接講,又話:「 btw… which body wear XXL? I would love to meet that body!!!」仲反問邊個要著加大碼?

7:41pm
轉頭洗米仔再喺個人 ig上載一家三口合照,三人手指擺喺嘴,示意:「收聲!」仲 tag埋「 family stay stronger」

8:00pm
Mandy向洗米仔解釋,叫佢唔好太敏感,又指其留言是針對早前有人借用佢名開 fb,賣加大碼孕婦衫,並說:「 I'm not the one changing things in your life」,又表示可以跟柏豪直接對話。

8:30pm
洗米仔態度軟化,指自己只係想搞清事件,同埋唔想傷害佢愛錫嘅人,又叫 Mandy留低聯絡方法,同埋 send埋佢講嘅 fb「 XXL」截圖俾佢笑吓。

8:40pm
Mandy再回覆洗米仔,叫佢問佢公司攞聯絡方法,方便單對單對話。

8:45pm
洗米仔回覆祝福 Mandy過得快樂,並叫她要宣揚同情心,好過宣揚仇恨,關心一下尼泊爾地震事件。又叫佢盡量減低對佢屋企嘅影響,尤其係佢細妹,唔想屋企人受傷害, Mandy冇耐回覆贊成柏豪說話,又話多謝佢嘅祝福,柏豪隨即仲 follow埋 Mandy ig做「朋友」,暫時停戰。




 

2/5
1:00am 隔一陣 Mandy又再上載自拍照,指泳衣照的留言只係針對假 fb事件,仲多謝支持佢嘅人,至於討厭佢嘅,佢都冇辦法,因為人人都有權有自己想法。


11:40pm 

4:40pm 

6:30pm

醫生意見

孕婦開刀剖腹,一般都會比預產期提早。但早前美國有醫學研究指出,太早剖腹生產會影響嬰兒腦部發展,導致智力、身體活動甚至協調能力也較低。根據家庭醫生關嘉美表示:「孕婦正常情況下足 36週就可以開刀,但係因人而異,有問題嗰陣醫生可能會早啲開,有時過咗預產期,如果 BB都未出嚟又可能會催生幫佢開肚,有啲可能係擇日,實在有太多原因會提早開刀,呢啲都係由佢婦產科醫生決定,不過如果足 36週,一般都冇乜問題,但最好唔好早過 32週。」


撰文、攝影:娛樂組
mailto:nextb@nextmedia.com

tvb4life 發表在 痞客邦 留言(0) 人氣()