next1.jpg


之前被指過肥的袁嘉敏,朝朝跑山操 fit,魔鬼身材重現。 

娛頭

公開露械短訊 「應酬」價 40萬起 袁嘉敏認:食完飯要有性行為

Ads by Google

憑三級片《鴨王》一脫成名的袁嘉敏,隨住 DVD推出市面,露點片段在內地網站免費瘋傳,人氣再次熱爆!近日更有中間人爆料,指袁嘉敏上床價要四十萬起,向當事人求證,她向本刊承認,試過日收十多個露骨短訊,包括性器官特寫照及四級留言,中間人更不停開價,游說她跟富豪上床。
「佢哋只係對我肉體有興趣,講明食完飯要有性行為,呢啲我冇可能會答應……啲人出得呢啲價錢,梗唔會做安全措施,一定會就咁嚟,我好怕有病!」袁嘉敏說。

 

 


跑到身水身汗,都要笠番件背心,先敢行返港大。 

起跑前,袁嘉敏先做熱身。 

四級短訊

《鴨王》票房埋單收六百萬,一脫成名的袁嘉敏,近日被中間人上板,上床價更高見四十萬!
對於捲入性交易,袁嘉敏寸爆說:「一路都有好多人問價,《鴨王》之後,價錢仲高咗!」
有指開出四十萬上床價的,是一名來自內地的電影公司老闆,袁嘉敏自稱不清楚。「我只知係大公司嘅生意人,有冇做電影投資我就唔肯定!」
獲強國富豪「議價」外,袁嘉敏更向本刊公開「問價短訊」,露骨內容程度達四級,包括「次次望到你都好想同你××,聽講你××,……保證可以滿足你」、「那種××××聲音,聽着就爽」,留言更附上男性性器官特寫照,可謂「圖文並茂」。
「啲人搵我去飯局,講明食完飯就要有性行為,係講得好清楚,變咗呢啲,我冇可能會答應!」袁嘉敏說。


袁嘉敏向本刊展示,曾有中間人以 40萬游說她與內地富豪應酬。 

袁嘉敏去到片場,才知要臨時加拍 6P戲,情緒一度失控爆喊。 

露點彈出

現年 30歲的袁嘉敏, 13歲到澳洲墨爾本讀書,其後回流香港,於香港大學比較文學系畢業。 09年,經吳君如提名參選港姐,並奪得「最上鏡小姐」獎項,在無綫四年,一直只做二打六角色,直至 11年在《潛行狙擊》飾演情婦一角,憑 34D身材獲網民注意。
13年,袁嘉敏約滿無綫即閃,轉投太陽娛樂拍電影《賭城風雲》、《屍城》等,在杜汶澤監製的《 3D豪情》中,袁嘉敏被鬧爆話剝又唔剝,去年參演王晶執導的三級片《鴨王》,終於肯露點演出,更脫出六百萬票房。

擔心染性病

已經五、六年無拍拖, dry爆袁嘉敏直言渴望愛情滋潤。
「但係啲人搵我,都只係想肉體上,好似買一段關係咁,冇興趣認識我,有時都覺得好灰。如果佢哋俾個價錢,係約會,食飯,我都會想試吓,想識啲新朋友!但佢哋標明嘅價錢,只係上床。」袁嘉敏失望說。
除了四級留言,中間人更代「客人」詳細列出「服務內容」,包括地點及年期。
「佢哋唔會好神秘,會留低聯絡方法,有興趣就繼續傾!有啲人可能買一晚,亦有買一個月,有啲可能六個月以上,係好清楚要做啲乜,或者講埋飛嘅地點喺邊度。」
明碼實價搵快錢,袁嘉敏可有一刻被價錢動搖?
「唔會囉!我本身好保守,好怕有病,我覺得啲人出得呢啲價錢,唔會做安全措施,一定會就咁嚟,但我唔會攞自己身體 take咁大嘅 risk。」


出席商業活動, deep V谷到盡,仲露埋紅色 bra邊吸睛。 

唔使開工,袁嘉敏出入只搭地鐵。 

袁嘉敏十分慳家,買衫幫襯平民價 Zara。 

袁嘉敏入行前曾在陳可辛公司做秘書, 09年參選港姐也是由老闆娘吳君如提名。 

不道德交易

娛樂圈經常盛傳有不道德交易,一切你情我願,有人選擇潔身自愛,亦有人願意為錢出賣自己。

李彩華

12年,在寰宇老闆林小明及趙雪英的離婚訴訟案中,李彩華慘被拖落水,內容指老闆林小明要求她作出合約以外不道德的交易,其後在趙雪英的協助下,李彩華於 10年成功提前解約。

「藍莓」劉俐

有報導指藍莓出入澳門酒店「送外賣」,並爆出一位富豪及中間人的電話短訊及錄音,過夜價 25萬,女方還主動提出陪客日期,但藍莓一概否認,之後便傳出她自殺消息。

𡃁模 Lavina

09年, Lavina鍾蕙芝被爆與一眾𡃁模,於尖沙咀及灣仔多個上樓私竇提供性服務,更有埋𡃁模相簿以供選擇,講明坐枱消費一小時 2,000元起,「附加服務」價錢面議。到 13年, Lavina再被踢爆做媒人搞飯局,率領大班𡃁模出席富豪生日派對。

6P崩潰

《鴨王》帶挈成名,但電影上映期間,袁嘉敏一度情緒抑鬱,慶功無影、活動絕跡,外界指她因露點片漏出導致壓力爆煲,但實情只是冰山一角,片中一場臨時加插的 6P激戰戲,才是元兇。
「其實拍攝期間佢情緒已經好差,合約原先只係得兩場露點戲,開拍前佢試咗好多套戲服,以為大部分戲都有衫著,點知原來啲衫著唔夠十秒就要除,又臨時加咗四場露點戲,仲要喺下體噴水!」知情者說。
兩場變四場,袁嘉敏照啃,但對手由一個變五個, 6P激戰,袁嘉敏終於崩潰。
「聽講佢去到片場先知,要俾五個男人搞,拍 6P激戰,因為冇劇本,佢除晒衫喺度等,現場有十幾個工作人員圍住睇,佢忽然崩潰係咁喊,連化妝茶水阿姐都嚇親。」知情人說。
提到拍 6P戲喊爆,袁嘉敏解釋:「呢場戲的確最初係無,但其實係導演叫我喊,所以一 roll機,我就喊得好辛酸,可能係咁,啲人以為我真喊。」
收埋兩個月,袁嘉敏最近秘密復工,一口氣接了二十場內地商演及酒吧騷搵真銀。


袁嘉敏唱歌派相,搞得觀眾㷫烚烚。 

酒客個個伸晒手,為免被搏懵,袁嘉敏小心翼翼。 

玩遊戲期間,忽然被男酒客箍頸自拍。 

現場大電視,即場播放她在《鴨王》的露點片段。 

Keep住副偈

上個月,袁嘉敏到泉州一間酒吧演出,大會更在巨型銀幕播放她在《鴨王》的露點片段,提升現場氣氛。
當晚袁嘉敏選擇唱高難度的王力宏作品《 Forever Love》,全首歌唱極唔啱音,但袁嘉敏表現極之投入,邊唱邊與台下酒客握手,又派簽名相,但玩遊戲期間,有男酒客「借啲意」箍實影相抽水,才嚇得她走埋另一邊,避開泉州色狼。
錢唔易賺,袁嘉敏為賺人仔,會晨早七點起身到香港大學後山跑步操 fit。
一身 bra top運動裝,袁嘉敏由寶珊道跑到旭龢道,迂迴山路起碼要跑一個多小時。
身為港大畢業生,走去拍三級片,一度被網民指她敗壞校風,所以袁嘉敏當日跑完步,即使身水身汗,都要企埋一邊著番件背心,先敢行返入母校買嘢飲。


在《潛行狙擊》演謝天華情婦,開始受關注。 

簽約太陽城後,袁嘉敏一片接一片,新作《剎破狼 II》六月上映。 

撰文、攝影:娛樂組
mailto:nextb@nextmedia.com

tvb4life 發表在 痞客邦 留言(0) 人氣()