王宗堯嘅「肌」男 look,拍埋真嘅消防員隔籬,身形都唔輸蝕㗎!
#消防員#男神

Ads by Google

貼圖區
谷肌做消防 王宗堯曬燈扮古仔
王宗堯( Gregory)榮升男神後搞作多多,廣告代言、登台加拍戲,瓣瓣都見到佢!不過話晒佢係演員出身,拍戲先係正職,最近王宗堯喺港台新劇《火速救兵 3》處男下海做消防員,事前仲做足功課,專登曬黑皮膚同操肌,個樣仲同全盛期嘅古天樂有幾分相似㗎!

 


王宗堯拍戲一向搏到盡,喺一場跳海救人戲亦唔例外。當時海面滿佈垃圾兼有大水母,男神一樣冇有怕話跳就跳,最後導演一 take過收貨!為保靚樣,男神上岸就一支箭飆去用水沖身,仲剝埋件衫半裸晒肌!睇到在場女士嘩嘩聲!古仔當年都係憑《烈火雄心》升呢, 36歲嘅王宗堯今次掂硬!

王宗堯見到海面唔止垃圾多,仲有一隻大水母出現,但佢就驚都未驚過。

雖然海面有垃圾又有死魚勁污糟,不過王宗堯話身為演員就唔會顧慮咁多,話跳就跳,專業囉!#跳海

王宗堯辛苦為新劇角色操肌,沖完水之後乾脆剝埋件衫,好嘢唔收埋啦!

王宗堯話好彩自己熟水性,不過要着住件衫去救人始終唔容易,仲話終於明白到「欺山莫欺水」嘅意思。

王宗堯跳落垃圾海,仍然仲同小豪哥玩得好開心。#錢小豪

做過《烈火雄心 2》方中 sir老婆,今次劇中飾演消防指揮官嘅蒙嘉慧,見到兩位可愛小朋友,母愛泛濫仲抱埋上手,個樣好冧豬豬㗎!
王宗堯為咗演消防員角色,專登走去曬燈兼操肌,𠵱家個 look睇落都同古天樂有幾分相似喎!


撰文:娛樂組
攝影:鄭明川

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()