蔡潔唔只彈琴有一手,就連打鼓都好似難唔到佢喎!

Ads by Google

全知言
唔再夜蒲 沈震軒孖師妹蔡潔玩琴
蔡潔憑住電影《香港仔》半裸肉搏曾志偉亮眼演出,有份提名今年電影金像獎最佳新演員,雖然最後輸咗畀大熱王菀之,但都巧威威啦!據知蔡潔唔只演「得」,原來仲精通樂器亦玩過歌唱比賽攞埋冠軍,仲有計劃同師兄沈震軒出合唱歌添!

 


早前《 FACE》撞見着住短裙仔嘅蔡潔孖住沈震軒喺通利琴行研究樂器,沈震軒仲坐低自彈自唱!玩完一輪結他,兩人轉移到鋼琴部切磋,沈震軒照舊彈先,之後到蔡潔落場一樣彈得唔差喎,沈震軒聽完仲大讚有潛質!
事後蔡潔大方承認有意向樂壇發展:「我知佢(沈震軒)音樂好叻,又彈琴又玩結他,好多呢方面 experience(同沈震軒出合唱歌?),啱啱拍完佢新歌《約誓》 MV,我哋有傾開如果大家鐘意,都有可能合唱。 Paco覺得如果我有信心,佢都好想畀我做㗎!」

玩完樂器,蔡潔就一支公去行名店「鳩嗚」,話晒無論做歌手或演員,包裝都好重要㗎嘛!

蔡潔有份在沈震軒新 MV〈約誓〉中演出。

蔡潔落場彈琴,沈震軒就好似嚴師咁喺隔籬𥄫到實,真係似大師兄喎!

沈震軒落場彈先,蔡潔仲攞埋部電話拍埋片,實行錄低學嘢!

蔡潔喺《香港仔》半裸肉搏曾志偉,仲有份提名金像獎最佳演員獎。

蔡潔作為影壇新人,已經可以提名金像獎兼行紅地氈,真係恨死人㗎!

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()