全知言

除咗《大時代》 仲有乜神劇正先?

Ads by Google

回憶懷念永遠最美好!退出咗嘅藝人、歌手復出,通常都變搶手貨,舊劇都一樣。
92年播出嘅經典劇《大時代》,上週一( 20日)開始喺深夜重播,首晚就有 5.5收視,即係 41萬觀眾收睇!呢套劇雲集劉青雲、郭靄明、鄭少秋、周慧敏等人主演,幾乎個個都有話題性,而且劇情超爆,絕對輕易 ko今天大台的所謂重頭劇!
其實八、九十年代都係港劇追捧期,唔少劇集都好有口啤,今期全知言就問吓大家,仲有邊幾套神劇,其實你都好想重溫呢?

 


少爺占


我最想重播嘅電視劇就係《大時代》喇!咁一到《大時代》播呢,我就有機會可以入市吖嘛!但播緊囉呵好似?咁我揀過另外一套啦,我揀郭富城有份做嘅《都市方程式》( 1988年)啦,因為今時今日你想叫郭富城搞笑都幾難啦係咪?仲要佢講翻裡面嘅「烏龜戴眼鏡」喎,你話係咪難上難吖?所以如果郭富城肯拍翻《都市方程式》,幾正吖!續集都唔錯喎!
當奴
我一定係揀《蓋世豪俠》( 1989年)。因為呢個陣容係可一不可再,我印象當中記得係有周星馳啦,有吳鎮宇啦,咁呢兩位朋友喺電影界當然各領風騷,但係能夠拉埋佢哋一齊做一套又搞笑又有動作嘅電視劇,我覺得如果能夠重溫係一件好開心嘅事嚟嘅!

曹敏莉
最想重播嘅劇集,我諗會係《金枝慾孽》( 2005年)啦,因為當時我非常之忙碌,錯過咗呢套咁好睇嘅劇集,咁呢套劇口啤咁好,個個都讚口不絕,咁我希望可以重播,我可以睇返多一次!

《蘋果日報》圖片
趙頌茹
我最想重溫嘅電視劇係《大時代》!記得細個其實唔係好睇得明佢嘅故事情節,而家去到大個喇,至知道嗰啲人、劇情嘅張力係幾咁好睇囉!

街坊推介:《網中人》啦!
張小姐:
《黃金十年》( 1986年)囉!張兆輝囉!一係播返《親情》( 1980年)呀,《網中人》( 1979年)呢啲!以前嘅劇情好睇啲啦!

《黃金十年》

《網中人》

余小姐:
你有無睇《婚前昏後》( 2001年)呀?王菲嗰首〈給自己的情書〉呀!係呀,嗰個就好好睇囉!

譚小姐:
我會揀《封神榜》( 2001年)同埋《美味天王》( 1997年)嗰啲囉!我覺得係好搞笑同埋好睇㗎!我記得《隔世追兇》( 2004年)都好好睇㗎,我係睇劇情架,咁個人,我覺得 TVB好似無乜人我係特別鍾意囉,或者覺得佢係特別靚仔,純粹係個演技好唔好囉。

《婚前婚後》

《封神榜》

即時報料
有料、有相、有片即刻 send?啦!
熱線: 9222 0828
電郵: mailto:facenews@nextmedia.com
facebook: facemagazine inbox
line、 we chat id: facemagazine

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()