面對鏡頭, Tipy表現得淡定自然,問到她的底線,「其實自己唔太介意衣衫性感,不過世俗眼光就令我卻步,加上男朋友都唔會畀,比堅尼應該都唔得!」 

U花 U草

城大妹李婧熙( Tipy)愛私影:「變態嘅成日都有!」

Ads by Google

今日讀個副學士學位一年都要 4萬幾蚊,好多大專生為減輕家人負擔,寧願自己做多幾份兼職,實行自己學費自己交。

 

現就讀城大專上學院 Yr.2的李婧熙( Tipy)也不例外,靠做兼職模特兒每月賺近萬元的收入交學費, 21歲女說:「雖然學費屋企都可以幫我交,但自己交學費,減輕到佢哋負擔我都開心,不過 model呢行收入好唔穩定,有時遇正雨季,好多 job都會取消,收入話唔埋!」
Tipy 18歲開始做兼職私影模特兒,做咗私影幾個月,她更主動約攝影師到酒店拍攝內衣照作收藏(因為怕男友介意,所以不願意給本刊刊登),「見人哋影得靚自己都想試,同場又有其他 model,個攝影師又相熟,所以會好安全,佢唔會攞自己事業嚟玩啦!」而 Tipy所講不會攞自己事業玩的攝影師,只是個貼錢影私影的龍友!


雖然係龍友相,但 Tipy每次影相嘅衫都會襯過,唔會重複,擺上 fb又成功呃幾百個 like。 

Tipy喜歡攝影,即使去酒店私影有危險,她仍對攝影師相當信任,「熟嘅攝影師我先至會去酒店影,暫時都冇遇過啲咩危險事!」(受訪者提供照片) 

 


一心以為 Tipy會在模特界發展,但她卻說:「我唔想人哋當我花瓶,所以畢業後我想做一、兩年嘢,儲到錢再讀番個學位!」 

半隻腳入了𡃁模界,日日收到攝影師 inbox邀請的 Tipy對呢行似乎睇通睇透,「變態嘅成日都有,會 inbox問你拎內衣、襪,嗰啲梗係唔影啦,有啲攝影師約你出嚟為消遣,影相技術好求其,對攝影根本冇追求,我話後面爆晒光佢唔理,我塊面好暗佢又唔 tune吓,專業嗰啲影每一張都會測光,講究角度同構圖,遇到呢啲專業攝影師我都幾享受㗎!試過第一年影相,影到一半個攝影師喺條街跪地叫我做佢女朋友,真係唔知追女仔原來要跪地,佢又唔拎戒指出嚟,有我會拎埋即走!」


撰文:校園組
攝影:范仲良
形象及化妝: Kika Wong

tvb4life 發表在 痞客邦 留言(0) 人氣()