許冠文七步成橋

人稱冷面笑匠嘅許冠文,近年甚少露面,以前佢有份拍嘅電影肯定有票房保證,最經典之作當然係七六年嘅《半斤八両》同八八年嘅《雞同鴨講》啦!有時東姑都會睇碟回味一吓。而許冠文最近嗰次露面,就係喺細佬許冠傑(Sam)澳門嘅個唱,

Ads by Google

當晚許冠文一出場,全場觀眾已經忍唔住大笑,許冠文一上台就玩嘢咁話:「大家都知阿Sam唔畀我上台唱歌,可能o依家年紀大,良心發現,畀我唱一首。

許冠文計仔多多,每句笑話都令人會心微笑,唔知佢行呢七步又諗到啲乜嘢好橋呢?

呢首歌(〈是雨是淚〉)係我逼佢同我合唱,許冠英都好鍾意呢首歌,希望佢喺另一世界聽到。」笑匠即係笑匠,講兩句已經惹嚟全場掌聲,東姑真係好期待,由佢做導演同編劇嘅電影《打虎》。

早排,東姑喺尖沙咀撞到佢,平時好鍾意同老婆出雙入對嘅佢,呢日一支公,佢一面行,一面好似度緊橋咁行咗七、八步左右,佢就好似諗到啲嘢咁,即刻打電話畀人,起勢係咁講,古代人七步成詩,許冠文七步成橋,認真厲害。

有日喺尖沙咀,東姑見到許冠文一個人漫步行街。

諗到好橋之後,許冠文立即打畀人sell橋,一傾就傾咗半個鐘。

    全站熱搜

    tvb4life 發表在 痞客邦 留言(0) 人氣()