長者可隨時更新「我的位置」,讓家人得知行蹤。按右下紅色鍵,能即時致電家人,唔使記電話號碼。 

養生殿

全港首個 腦退化患者追蹤 app

Ads by Google

不時聽到有腦退化長者失蹤,好彩搵得番嘅,家人都虛驚一場;而那些搵唔到嘅……唉!最近有機構開發腦退化患者追蹤 app,利用 Google Map和 GPS鎖定長者身處所在,定時發放電郵給家人通知有關長者嘅最新位置,讓家人安心又放心。大吉利是講句:唔好彩走失咗,都知道長者曾去過哪裏,縮窄範圍搵起來都唔使無處入手。

 


Donna 

Donna爸爸 8年前患腦退化,現已屬嚴重級。 Donna一直搜尋不同嘅腦退化 app,卻都只限於玩遊戲做運動等,無一個特別針對腦退化患者常遇到嘅走失問題。直至最近有機構開發首個本土有追蹤功能嘅腦退化 app, Donna即時下載試試。
App名「腦退化一按知」,由賽馬會耆智園開發,政府「開發數碼共融流動應用程式支援計劃」資助。主要分為「知識寶庫」、「健腦遊戲」、「位置回報」、「我的位置」及「一鍵通話」等 5大功能。而且甫進 app,更即時彈出有關腦退化的「最新消息」。
Donna稱,最新消息和腦退化資訊較適合家人或照顧者作參考,且非常詳盡,建議家人或照顧者應該下載看看。至於針對患者,她推介「健腦遊戲」、「位置回報」及「我的位置」。

遊戲跟足醫生評估模式

她說:「爸爸不愛玩手機遊戲,但把『健腦遊戲』給 70多歲、沒患病嘅媽媽玩,佢玩得好開心。遊戲夠生活化,好似記憶遊戲及空間感遊戲,都係針對長者腦退化最常遇到嘅問題。另外嘅購物遊戲,要長者記住三樣要買嘅東西,其間問問題打亂佢哋嘅記憶。媽媽每次贏咗都好開心,而遊戲同醫生跟長者做嘅腦退化評估問題一樣,可見非常專業。」
至於 app嘅追蹤功能,只要長者長開個 app及 GPS,並有流動電話網絡, 3樣運作正常, app內地圖就會顯示其位置所在,並根據家人預設的時限,傳送長者最近曾到過嘅 5個地點給到家人。長者亦可按地圖找出自己嘅位置所在,並按一個鍵致電家人講自己喺邊。 Donna認為可讓家人清楚長者嘅位置,若長者真的迷路,搵起來可縮窄範圍。「不過長者若要自己按手機找出位置,再㩒電話聯絡家人,輕度患者仍能做到,但屬中度以上嘅長者就未必得,故呢方面還有待改進。」

 

家人可預設衞星定位時間由 5至 60分鐘不等,家人可於時限內收到電郵得知長者最近曾到過嘅 5個地點。但機構指只有 gmail用戶才收到電郵, yahoo mail用戶仲未得。




5款健腦遊戲適合不同程度患者。 

App採用 Google Map開發「我的位置」及「位置回報」兩功能,故地圖的準確性跟我們平時用 Google Map一樣。家人對長者位置有疑問,可致電確認。 

【腦退化一按知】

適合:腦退化患者及其家人和照顧者
功能:「知識寶庫」有齊各種腦退化症的資訊和消息,家人及照顧者最啱睇。
「健腦遊戲」不同程度嘅遊戲,最啱長者用來練腦。
「位置回報」設定時段,定時透過電郵得知長輩位置,方便追蹤。
「我的位置」長輩尋找自己位置時,系統會透過電郵通知家人,可及早作支援。
「一鍵通話」只要按一個鍵就能打電話跟家人聯絡,唔使再搵通訊錄。
大小:約 130M
支援: IOS及 Android
費用:全免
查詢: 2372 9082/ http://www.d-concern.com 


撰文:馮淑玲
攝影:圖片由被訪者提供

    全站熱搜

    tvb4life 發表在 痞客邦 留言(0) 人氣()