李璨琛睇嚟都係王林記熟客,坐低就識嗌切腩撈粗,知道係呢度嘅「名菜」喎!

Ads by Google

媽咪姐
李璨琛帶老婆跟發哥搵食
好多人去開筲箕灣,總要走轉東大街食安利魚蛋粉,貪佢出名同多星幫襯。媽咪姐以前喺嗰頭打躉,反而會去發哥都幫襯、隔兩個舖位嘅王林記,佢啲魚蛋真係彈牙好多㗎!

呢日李璨琛同老婆都去咗王林記食麵。睇佢都幾知碇,入到去坐低,就嗌咗呢間嘅招牌菜,魚蛋粉同切腩撈粗,識食呀!仲喺下午茶時間先幫襯,埋單唔使一嚿水。同老婆醫飽肚,李璨琛仲同老闆吹咗陣水。睇唔出佢又幾似老人家,鍾意搵人傾偈喎!

發哥去王林記食碗粉,即刻俾人捉住集郵,掟晒上網威威。

李璨琛同老闆打完牙骹先走人,佢老婆就數吓找咗嘅錢,真係數口精呀!

    全站熱搜

    tvb4life 發表在 痞客邦 留言(0) 人氣()