舖頭嘅 sales姐姐着短袖 T恤,慧嫻姐姐就包到冚,好似啱啱喺雪櫃出嚟咁款,強烈對比呀!

Ads by Google

媽咪姐
陳慧嫻有冇咁凍呀?
做藝人,為咗要有 gimmik,通常都會做一啲浮誇舉動或者用衣着嚟吸睛,陳慧嫻應該算係後者嗰隻囉!

日前,媽咪姐喺中環捕獲陳慧嫻,本來一頭金毛嘅佢已經好搶眼,但原來都唔及佢嗰身衣着搶眼,點解嘅?事關近日天氣已回春,行喺街都覺得又翳又焗兼悶熱,好多人都已經短袖衫出籠,但陳慧嫻就着到 6、 7度咁款,羽絨大衣、仲要加條大頸巾,真係睇見都熱!
媽咪姐初時以為佢唔舒服先着成咁誇啦,睇真啲,又唔似噃。見佢「巡舖」時都不知幾精神,呢間入去睇吓、嗰間又入去揀吓,不過見佢巡完一間又一間都冇收穫。睇嚟啲衫唔啱鍾意浮誇嘅陳慧嫻姐姐嘞!

陳慧嫻染咗金毛頭,又有大隻助手跟身,已經夠晒台型,再加埋嗰身「寒冬衣着」。噢,真係好難望佢唔到!

你唔熱嘅咩?(設計對白)
慧嫻姐巡完一間又一間,行到助手㷫晒要剝衫,佢依然冇 feel喎!

我財多吖嘛!(設計對白)

    全站熱搜

    tvb4life 發表在 痞客邦 留言(0) 人氣()