我是女皇,說買就買!(設計對白)

Ads by Google

媽咪姐
買屋結婚?范冰冰李晨霸氣睇樓
范冰冰(范爺)今年就踏入 34歲,難得拍《武則天》嗰陣,同大佢 3年嘅李晨特別啱 key,緋聞傳足成年。年初仲俾網友撞到佢哋同遊米蘭,愛得痴纏呀!

 

啱啱,又有新嘢喇!喺北京買咗別墅嘅冰冰,又再出動睇豪宅,今次佢仲叫埋李晨同雙方家長一齊睇㖭。據聞因為佢哋忽然興起睇樓,搞到地產商要匆忙準備,好多傢俬都係砌住先,未搞掂。有傳佢哋咁急買屋,係為結婚提前準備,仲話會喺下月公布喜訊。不過周三( 22日)冰冰經理人就循例唔認啦!明嘅,會「小器」㗎。

范爺之所以被爆買別墅,係因為有網友話間屋係佢個 friend設計,但仲未準備好,就要俾樣板屋冰冰睇。

范爺睇嘅係北京市郊新別墅, 1200平方米(大約萬幾呎),叫價 8千萬人仔。睇吓客廳同睡房嘅設計,幾土豪 feel囉。


上年冰冰同李晨合作《武則天》,戲假情真,之後仲有指佢哋戴情侶戒指出席公開場合。

范冰冰同李晨早已係公認嘅一對,年初仲去見李晨外婆㖭。

    全站熱搜

    tvb4life 發表在 痞客邦 留言(0) 人氣()