博出位

星級遊埠團

Ads by Google

回南天鬼咁難頂,唔少朋友都會出外旅行鬆吓,好似戀情有新着落嘅朱晨麗就去咗法國嘆世界,謝安琪就去咗荷蘭。不過佢唔係咁爽㗎,事關佢去荷蘭係為拍戲,但係百忙中都有 selfie同跟 fans開心「些牙」靚人靚景。點都好過大家喺香港捱騾仔吖!


謝安琪 荷蘭殭屍
拍緊劇嘅謝安琪最近同劇組一齊飛去荷蘭取景,話晒都係高登女神之一,喺靚景下梗係要 selfie啦!佢仲同啱啱成為熱話嘅緋聞男女鄭嘉穎同陳凱琳一齊合照㖭,不過係分開各自影啫!

朱晨麗 分隔異地


朱晨麗同李逸朗呢對最新鮮滾熱辣嘅拖友,日前朱晨麗被影到送男友上機,其實事後佢自己都靜靜雞飛咗去法國,仲喺羅浮宮留倩影㖭!咁快分隔異地,睇嚟佢哋對大家都好有信心咁噃!
黃婉佩 英超大戰


睇波絕對唔係男人專利!好似 Race黃婉佩最近就飛咗去英國睇波,仲要係睇英超世紀大戰車路士對曼聯,佢實現咗唔少男人嘅夢想!
麥長青 騎呢訪韓


麥長青最近去韓國參加咗中韓訪問團,去咗參觀韓國國會貿易投資公社等嘅地方。不過最騎呢就係佢着住上海灘 look去行山,仲有同當地僧人合照㖭!
琦琦 北京超模


琦琦最近幫內地超模選秀節目做形象指導,雖然琦琦已經 47歲兼有個 10歲囡囡,不過講到 body shape同樣貌真係唔會輸俾啲參賽者!

    全站熱搜

    tvb4life 發表在 痞客邦 留言(0) 人氣()