坐喺度半個鐘唔好郁!(真實對白)

Ads by Google

靚抽王
Cap圖龍虎榜
平日一打開 facebook同 WhatsApp,可謂 cap圖滿天飛, cap圖已經成為我哋生活嘅一部分。今期至新至 hit嘅 cap圖係乜?睇 Cap圖龍虎榜啦!!

黎明 減肥大法
雖然黎明話自己嘅金句唔係金句,只係人生有啲經歷。但係如果一啲句子既有娛樂性又有啟發性,除咗「金句」之外,我哋着實搵唔到其他更好嘅形容。近日黎天王又發表減肥心得,佢話食完嘢要「坐喺度半個鐘唔好郁」,等你個人「冇 energy就會好凍」,然後就會神奇地達到「抽脂肪」嘅效果……至於啲脂肪點樣抽,抽咗去邊,佢就冇講。不過我哋有理由相信,被黎天王稱為肥過電單車嘅衞蘭,就係取信於呢種減肥大法。(據稱呢種方法係來自肥仔雷頌德……救命!可唔可以唔好咁搞笑?)
大台大嘥鬼


早前大台推出全新節目宣傳片段,片入面幾個年輕女藝員搵蛋糕掉嚟掉去,最後被網民插佢浪費食物,連環境局用嚟教育市民珍惜食物嘅臉書專頁「大嘥鬼」都出 post抽水:「蛋糕係用嚟食,唔係用嚟嘥。」今次大台認真冇面。我娛文樂靈光一閃,諗到大台會點樣回應,睇怕都係搵啲藝員或者乜乜專家上《東張西望》解畫,明㗎喇!
當正恩遇上奧巴馬
北韓不嬲都同美國有牙齒印,金正恩同奧巴馬應該都係死敵。不過近日喺韓國就發生咗件不可思議嘅事,金正恩同奧巴馬竟然喺街邊合唱!聰明嘅讀者當然估到佢哋唔係真身,只係一個有啲似奧巴馬嘅人,同埋一個有啲肥嘅韓國人啫。點都好,希望北韓唔會因為呢件事又搞乜嘢小動作啦。上次人哋拍咗套《刺殺金正恩》,佢哋話要發動襲擊又盛,今次扮金正恩唱歌,唔通佢哋會發動歌舞襲擊?叫嗰啲北韓細路表演歌舞亂入美國節目?千祈唔好,睇過嘅都知,嗰啲北韓小孩個樣仲恐怖過電影《閃靈》入面嘅孖女㗎。

北韓小孩

《閃靈》孖女

同場加映:大愛手機殼……邊個夠膽用嚟帶出街?

撰文:娛文樂

    全站熱搜

    tvb4life 發表在 痞客邦 留言(0) 人氣()