靚抽王

今期人物 成龍

Ads by Google

親情
解說:成龍大哥勇救吸毒親生仔,又經常惦念唔喺自己身邊嘅小龍女。近日佢話自己嘅名氣傷害咗親生女,至於同唔同女兒相認呢個問題,佢就話要順其自然喎。係,亂拋垃圾係對環境有害嘅,不過你問我將唔將啲垃圾掉入垃圾桶,呢方面就要順其自然囉!



災難
解說:早年大哥曾經發表偉論,話:「希望世界多啲災難,因為每次有災難,大家都會更團結。」嗯,認真用心良苦,我哋都祝福大哥同大哥嘅家人更團結。



韓國
解說:上年去韓國宣傳新片,大哥竟稱自己為半個韓國人。嗯,佢一定唔係為咗自己部戲嘅票房先咁做,一定係心懷大愛,去到邊度都當自己係當地人啦。(雖然人哋未必想做佢同胞。)
宋祖英
解說:上年大哥出席全國政協會議時,從背後擁吻中國民歌天后宋祖英。不過今年會議兩人就坐到好遠,此情不再。有網民話:「咁辛苦先救番祖名出嚟,仲敢亂嚟?」暗示早前大哥對宋祖英太熱情所以得罪權貴。黐線!大哥自己咪就係權貴囉!使乜驚呀,我哋支持下年大哥捲土重來奪得美人歸。

上年

今年
中國
解說:你話成龍唔愛國,等於話暴龍唔食肉一樣,所以你一係唔提成龍,一提就同愛國掛鈎冇得走。近日大哥又發表言論,話呢個宇宙冇香港電影,只有中國電影……亦即是話大哥嗰個《警察故事》系列,本身係唔存在,只有《公安故事》 123456集。
腦成分
以專業嘅娛樂角度分析明星腦入面有乜成分!

    全站熱搜

    tvb4life 發表在 痞客邦 留言(0) 人氣()