me.jpg


Annie Liu藍色洗水牛仔恤衫$795TOUGH Jeansmith桃紅色騎士皮褸$1,750 Blank NYC from bauhausEVOLVE深藍併天藍色皮革迷你斜孭袋$1,390藍色洗水貼身牛仔褲$895both Salad 

cover face

劉心悠 十年過客

Ads by Google

05年,劉心悠膽粗粗參加《阿嫂》試鏡入行,眨眼就十年。
她不以為然:「時間過得好快!但又唔會有咩要專登記低嘅。」
當然,感恩之言大可下刪三百字,我着眼點是,伊人何不順勢拿三粒星身份證?她冷笑回答:「我未搵到個 point去做呢件事!
「本身係加拿大同台灣人,好哋哋,做咩要放棄?好奇怪!」
一言驚醒,居港權只不過是內地「專才」有興趣,而伊人擁有的兩個戶籍,正正是想移民港人最後的橋頭堡。
「我寧願好似外勞咁,拎住工作證來港工作,唔係仲好咩?」
星級外勞另當別論,但也讓我明白她不過當自己是過客,香港是馬拉松訓練場,又或拍燒脂廣告的賺錢之地,不用留太多痕迹在這個驛站吧。
是以,這次換個方式,問她十年拾想,可能更有意想不到的答案。

Profile

劉心悠
原名:劉凡平
出生日期: 1981年 4月 1日(白羊座)
出生地:台北縣永和市
身高: 5呎 4吋
體重: 99磅
語言:廣東話、普通話及英語。
學歷:加拿大溫哥華 Emily Carr University of Art and Design產品設計系二年級
簡歷: 04年,回台旅行接拍台灣中華航空公司廣告入行。翌年,參加《阿嫂》試鏡,於過千名參加者之中脫穎而出,正式成為演員。
主要作品:電影《阿嫂》( 05),《出埃及記》( 07),《軍雞》( 08),《愛到底》( 09),《天生愛情狂》( 12),《盂蘭神功》,《 Delete愛人》( 14);電視劇《幸福的味道》,《幸福的抉擇》( 08),《步步驚心》( 11),《唐宮燕》( 13),《步步驚情》( 14)。


08年拍攝台灣大製作劇集《幸福的抉擇》,有台灣男神藍正龍做對手,拍咀戲更是一吻難忘。 

05年處女作《阿嫂》,有八大影帝助陣,心悠當年被譽為超級新星。 

85年跟媽媽同一天生日,兩母女性格同樣倔強,母女情深,曾說:「為了媽咪可以唔結婚。」


十年十問
 


Annie LiuBULLION粉紅色皮革側孭袋$1,790薰衣草色皮褸$3,350白色喱士 slogan tee$650黑色貼身牛仔褲$650all Salad 

Q:如果冇入行,現在做緊乜?
A:當年興趣係設計傢俬同 figure,好大機會去瑞士同中國讀書。其實我好鍾意瑞士,生活模式好似溫哥華,好適合養老。閒時可以種吓嘢修葺花園,好啱我!

Q:入行前有憧憬嗎?當時有冇諗過想同邊個合作?
A:最能引起我注意嘅係周潤發。當年有齣叫《血仍未冷》,好少華人電影能夠喺溫哥華上映㗎,記得第一個鏡頭發哥一出來,全場華人拍手掌,起身大嗌:「 You rock!」好深刻!我曾夢想同佢合作,可惜仍未有機會。

Q:如果可以揀,想做邊個明星嘅「阿嫂」?
A: Angelina Jolie。我好想知佢哋每晚食飯嘅情景,好似見到唔同嘅語言「飛嚟飛去」,我真係好好奇。唔一定要做阿嫂,做佢屋企清潔阿姐都得。

 


Annie LiuREALISM粉紅色皮革兩用袋$2,590白色喱士七分袖外套$750藍色印花斜布短褲$595all Salad橙紅色上衣 stylist's own 

Q:入行以來最尷尬嘅事係?
A:喺內地拍電視劇,會遇到唔同語言嘅演員,拍攝時你扮到好認真聽佢講嘢,其實完全唔知佢講咩,好多時都有「哎呀!到我!」這類唔記得俾反應嘅蝦碌事情發生。惟有當係一種訓練,後來索性背埋對方台詞,計晒 timing做反應。

Q:還未克服到嘅問題係?
A:廣東話!呢個係死穴。好得意!每次上的士,當我用廣東話講目的地,對方會用普通話講:「小姐,你要怎麼走?」又話我有懶音,其實我已跟足廣東話發音啦,真係唔明呀。

Q:入行後,有冇親身見過心目中的男神?
A:以前男神係 Brad Pitt,依家係 Bradley Cooper。有次去紐約睇花生騷,喺後台見到佢,唉,最後無緣份影到合照。

 


Annie LiuSECURE紅色皮革斜孭袋$2,690藍色透視雪紡印花上衣及橫間背心$595藍色洗水短褲$625all Salad 

Q:最回味跟哪位男星拍接吻戲?
A:我揀藍正龍(合演電視劇《幸福的抉擇》)。哈哈!我唔想得罪其他人。特別之處,係導演要求接吻時,要見到男主角條脷先收貨,好深刻呀!

Q:網絡年代好多精采留言,有令你哭笑不得嗎?
A:有次我有份參與嘅內地劇播映,同劇嘅演員發音唔正俾網民笑,有個網友批評:「可能佢國語係數學老師教㗎!」又唔算人身攻擊,但夠幽默。

Q:有留意港劇嗎?想參與嗎?
A:睇緣份。記得細個喺加拿大睇《大時代》,周慧敏好靚,劉青雲好似 chocolate,好活潑。嚟到香港,會認真睇嘅劇集只得《宮心計》,好想做楊怡個奸角角色。好彩幾年前,喺內地拍過類似劇種,總算願望達成。

Q:入行前後,慶祝生日有冇分別?
A:我同媽媽嘅生日都喺愚人節,亦係哥哥張國榮死忌,每年情緒都好複雜。細個經常被整蠱,好有警覺性。正日多數留喺屋企,同朋友只會預祝同補祝。今年好驚,竟然有神秘人送咗 100朵玫瑰加蛋糕去我屋企,從來冇人知我住邊,好恐怖!到依家仲未知邊個送!


Annie's tips
 

Q:喜歡甚麼類型的手袋?
A:比較注重實用性同美觀,工作時會用大袋,同朋友茶聚同行街,一定選擇細袋。

Q:牛仔褲是衣櫃必備嗎?
A:冇錯,牛仔物料給人輕鬆感覺,最重要係非常易襯。


後記
 


Annie Liu藍色洗水牛仔恤衫$795 TOUGH JeansmithS-LOCK黑併象牙白色皮革斜孭袋$1,980藍色洗水貼身牛仔褲$895both Salad 

最後我問,十年感動時刻是甚麼。
伊人笑笑答:「 I'm still here!呢行有好多新人,比你好,比你靚,喺呢個圈子不斷出現,但十年後我仍在這裡, it means something, I chose to be here。」
中英夾雜,我知這是發自內心的說話。客氣程度如同她多謝入境處一次比一次放寬居留期限。
「起初只得兩個月,後來一年一年咁續,即係代表歡迎我嚟呢度搵食啦。」
我知道,觀眾眼睛最雪亮,用行動贊成該不該留低,心悠 BB同水貨客相比,當然是兩碼子的事啦!


Shop List
 

bauhaus尖沙咀加連威老道 8號地下 2369 7890
Salad尖沙咀漢口道 28號亞太中心地下 9號鋪 2723 7600
TOUGH Jeansmith尖沙咀加連威老道 55號地下 2723 2218


撰文:黃鑑江
形象:黃健華
攝影: Ray Siu
化妝: Annie G.Chan@Annie G.ChanMake-up Centre
髮型: Eric Chow@Xenter
鳴謝: Salad

    全站熱搜

    tvb4life 發表在 痞客邦 留言(0) 人氣()