姨甥女扭計咬公仔,顧住望鏡頭同《壹》仔打招呼嘅李若彤並冇阻止。 

同你吟一吟

李若彤捱打唔反抗

Ads by Google

曾經响訪問入面承認患上抑鬱症諗過自殺嘅李若彤,多得細妹將自己個女交俾佢湊,有咗寄託,情緒病好番晒,姨甥女係佢救命恩人。

 

上個禮拜五(四月十日),李若彤帶咗姨甥女去尖沙咀圓方睇《五個小孩的校長》。未夠鐘入場,六歲細路女冇耐性,攬住公仔指手畫腳,之後又踎低喺地板畫公仔。
雖然《五個小孩》係「催淚戲」,不過李若彤個姨甥女就一啲都唔傷心,睇完戲反而變暴力王,先攞口咬公仔,再揸實個拳頭仔,係咁打李若彤。救命恩人扭計,姨媽打不還手,仲出埋絕招,從後秤起佢玩人肉三文治,小朋友即刻笑番。
寵愛同溺愛一線之差, over咗就反效果,就算救番你條命都係咁話。


俾姨甥女揸實拳頭出盡力係咁打,李若彤當𢱑痕。 


出絕招,玩人肉三文治,小朋友即刻笑番。

未夠鐘入場,李若彤睇新戲推介海報,姨甥女就踎响地下畫公仔。 

由三個月大開始,就接手照顧姨甥女,對得小朋友多,著公仔 tee嘅李若彤睇落都 young咗。 

撰文︰八珍
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()