又笑,又拜拜,大升市前夕,周凱旋心情爆靚! 

同你吟一吟

周凱旋買餸量力而為

Ads by Google

股市大時代來臨,李嘉誠旗下嘅長和( 0001)受惠,就連將軍澳新盤「緻藍天」,眨吓眼又話賣晒。
樓市股市暢旺,財爺曾俊華又派埋定心丸,話唔見有泡沫,不過李嘉誠就打穩陣章,呼籲小股民要「量力而為」。

 

李嘉誠挺身做股民明燈,佢位紅顏知己周凱旋就負責做明燈嘅伙頭軍。上星期一(四月六日)仲係假期,周凱旋十一點幾就出動,走去跑馬地日本食品專門店,採購食材。
現場外籍保鏢見到《壹》仔,自動波開遮擋鏡頭,但打開唔夠幾秒鐘就收番,好明顯,係收到老細 order。
唔介意上鏡嘅周凱旋仲同《壹》仔打招呼:「咁早呀你哋,你哋都嚟買餸呀!」呢個時勢,買餸不如買股!嗱,量力而為嘅周凱旋買餸都唔係去街市㗎,大家買股都要一樣,緊記量力而為呀!


保鏢見到《壹》仔,先築人肉牆,再開埋遮擋鏡頭,但好快被老闆娘周凱旋阻止。 


俾完錢,周凱旋再補多眼,睇吓仲有咩漏買。

買咗三大袋餸,當中包括一盒北海道超甜粟米(紅圈)。 

港股大時代,李嘉誠呼籲股民:「量力而為啦,呢句就係最忠誠嘅答案。」(《蘋果日報》圖片) 

撰文︰八珍
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()