拍戲經驗尚淺的陳凱琳,拍嘴戲卻駕輕就熟,一啲都唔怕醜。 

探熱針

陳凱琳三嘴鄭嘉穎

Ads by Google

45歲鄭嘉穎被指與 23歲的陳凱琳撻着, Grace更被拍到出入男方寓所,事後鄭嘉穎雖以「對方只是嚟借碟」解畫,但卻補多句「唔會冇可能」迎接新戀情。上週五(四月十日),一對「戀人」在薄扶林為新劇《殭》開工拍嘴戲,鬼妺仔 Grace主動又唔扭擰,話嘴就嘴, amazing!

一撻即着

同國產模徐靖雯見光死後,過去幾年,外界對有關鄭嘉穎的感情生活一片空白;直至最近,被踢爆與大台處女陳凱琳合作新劇《殭》假戲真做,女方更摸上他位於大坑的寓所短聚兩粒鐘。
「忘年戀」斷正,鄭嘉穎態度開放。「乜都係由朋友開始,年齡唔係考慮因素。」男方開綠燈,陳凱琳亦有晒反應,力撐對方唔「花弗」:「每個人都有過去感情,人會變!」
據了解,二人已暗交兩個月,幾乎係一撻即着!
「頭兩日埋位,嘉穎已經覺得呢個女仔好 eye catching,加上 Grace又主動,同嘉穎自拍跟住交換電話 send相,又會拍完一個 take就叫嘉穎俾意見, Grace真係好知道啲男人鍾意乜,有個靚女當自己偶像,係男人都冧啦!」一名劇組人員透露。


熱情奔放的 Grace,連嘴鄭嘉穎三次,絕對冇借位。 


早前陳凱琳被踢爆鬼祟摸上鄭嘉穎位於大坑寓所,密會兩粒鐘。

冇花冇假

上星期五,一對「戀人」拍拖開工,當日劇組拉隊到薄扶林附近拍外景,先拍鄭嘉穎個人戲份,有排都唔使埋位的陳凱琳站在攝影機旁,寸步不離盯實。
一眼關七的鄭嘉穎發現有記者,馬上通知女友,二人亦刻意保持距離,各自各同工作人員傾偈,甚至背對背企,玩避忌。經過一輪熱身後,鄭嘉穎主動走埋對方身邊傾偈,三言兩語,已氹到陳凱琳開懷大笑,一雙大眼,不停放電。
之後二人埋位拍對手戲,試位時,因為落住毛毛雨,鄭嘉穎細心幫女友打傘。
拍嘴戲先嚟落雨,特別浪漫!演齡尚淺的陳凱琳表現投入,一 roll機,即雙手攬實鄭嘉穎就嘴埋去,全無借位,連嘴三 take,導演滿意收貨。


放下戒心後,鄭嘉穎主動走埋 Grace身邊撩傾偈,女方使出招牌電眼加甜笑,冧到鄭嘉穎暈晒浪。 

Grace細心幫鄭嘉穎撥頭髮,當眾煙韌。 

當晚落住毛毛雨,一向世界女的陳凱琳見工作人員整濕褲腳,即上前幫手抹。

起初二人表現得尷尷尬尬,更刻意背對背企,保持距離。 


撰文、攝影:娛樂組
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()