週一( 13日),官恩娜單拖到中環。本刊恭喜她有孕時,笑得甚甜,開心到出樣。 

探熱針

懷孕 12週 官恩娜推 job安胎

Ads by Google

官恩娜今年二月閃嫁醫生男友 Juan-Domingo Maurellet後,已表明要佗羊 B,果然一舉成功,現已懷孕十二週。
心想事成,卻令正在錄新碟的準媽咪陣腳大亂,唯有即時將所有工作計劃叫停,推 job安胎。

延期出碟

還有三個月便滿三十六歲的官恩娜,明知自己愈來愈接近高齡產婦層,造人大計,刻不容緩!估不到老公咁有本事,一舉成功,工作計劃,大亂!
「 Ella佗 B未夠三個月,佢驚 BB小氣所以唔想講住。之前接落唔少 job,又錄緊新碟,啲期已經排到年尾;佢冇估到咁快搞掂,為咗專心安胎,推得嘅 job都推咗,新碟亦要押後。老公 Domingo希望 Ella喺輕鬆嘅環境同心情下佗 B,所以好贊成老婆停工。」 Ella好友說。


懷孕 12星期,官恩娜開始粗腰虎背現巨躉,孕味濃! 

鬆身衫遮肚官恩娜穿上鬆身裙,遮掩微隆腹部。 

轉個頭官恩娜又上載經「美圖」 App打造「宮雪花效果」的近照,執相過度連地板及門框亦變得扭曲,她更自認「宮雪娜」,真搞笑!

大肚官恩娜明顯肥咗,索性低炒自拍影肥面相自嘲。 

雖然停工,但官恩娜學法文當胎教,絕不浪費時間。 

日前官恩娜獨自去了買家品,雖然明顯比前圓潤,但步履仍輕盈。 

官恩娜在凍櫃前慢慢揀,為安胎細選食物。《蘋果日報》圖片 

陪佗陪生陪月

一般大肚婆再緊張,早極是產前兩個月便開始用陪月,但官恩娜卻與人不同,唔係請陪月,係「陪佗加陪生」,由安胎開始。同時為了胎教,準媽咪開始學法文,聽古典音樂,廿四孝。
本身是麻醉師及普通科醫生的 Domingo,家族於法國南部有萬呎大屋,其父退休前經營高級時裝品牌,哥哥是大律師。夫家一屋精英,官恩娜亦深信腹中 BB,是個資優兒。
「 Domingo係中法混血兒, Ella想 BB將來都識法文,所以趁佗 B自己學定先;最搞笑係佢已經搵緊資料,睇吓將來點培養個 BB,心急到不得了。」


老公 Domingo十分愛錫官恩娜,不用工作時,總會管接管送。 

官恩娜去年 9月突然患上「貝爾氏麻痺症」,一度半邊臉癱,幸得 Domingo對她無微不至的照顧,令她感動下嫁。 

抱 B手勢生硬,睇嚟官恩娜要多啲練習。 

在老公的法國家人面前,官恩娜照樣古靈精怪。 

腰背變厚


官恩娜結婚時,爸爸為她訂製珍珠頸鏈及耳環,加上其他鑽飾,嫁妝合共達千萬港元,如今將做外公,相信他會再送厚禮。 

本週一(四月十三日),大肚官恩娜自己一個揸車由屋企到中環,穿上鬆身裙平底鞋的她,腰背開始變厚,孕味甚濃。
問她佗 B一事,官恩娜笑住迴避:「唔該晒呀!」

一結即有

圈中人拍拖係長跑,一旦決定結婚,唔係有咗就係好想生,婚後不設防,極速成功造人的,包括官恩娜,都是 36歲以下,較易成事。

 

鄭希怡  33歲生
鄭希怡與化妝師梁學儲 2013年 11月在泰國蘇梅舉行 pre-wedding party,翌年 9月結婚及擺酒,同年 11月宣布懷孕 3個多月。今年 4月 8日,誕下 5.5磅女兒。

 

汪圓圓  28歲生
2013年 11月結婚的汪圓圓及蔡加讚,婚後極速造人,去年 9月順利誕下 B女。

大反應

年紀愈大,佗 B風險相對高,圈中女星唔少望四張才入直路,身體反應,特別明顯。

徐若瑄
台灣女神徐若瑄去年嫁給新加坡富商李雲峰,上月步入 40歲的她宣布已懷有「李 v寶」 3個月,由於身體不適又屙又嘔,同時疑似患有妊娠糖尿,所以要日日打針,同時要卧床休息養胎。

 

梁詠琪
剛為人母的 39歲梁詠琪,去年懷孕初期完全沒胃口,聞到任何食物都覺得好腥,記性亦差了好多。


撰文、攝影:娛樂組
mailto:nextb@nextmedia.com

全站熱搜

tvb4life 發表在 痞客邦 留言(0) 人氣()