next1.jpg

娛頭

手術直擊  30A變 33C 顏子菲抽 1公升臀脂隆胸

Ads by Google

08年亞姐亞軍顏子菲,去年撇甩亞視外闖後,已有計劃將平板上圍以及 38吋巨躉、完全唔合比例的身材推倒重來,將想法付諸實行的她,上週進行五小時「移山填海」工程,分別於巨股及大腿內抽取 1公升可用脂肪用來隆胸,將 30A瞬間轉移變成 33C。
要僭建又要自然,最大代價是抽脂位置持續作痛,舉步難行。要靚,顏子菲去到盡。

肥膏當廚餘

上圍只得 30A的顏子菲,入行後經常要塞兩個胸墊,戴三個 bra,方能製造逼爆效果。今年初因為電影試鏡要穿上內衣騷身材,零波配巨躉,嚇窒在場人士。真身唔見得人,令顏子菲的起心肝去僭建,接受 NuMe名人醫美外科中心的做隆胸代言,賺半球(五十萬)酬勞兼一雪前恥。
有假體植入及抽脂注射兩種手法任揀,問埋做心臟科醫生的父親意見,顏子菲決選擇後者,將下身多餘肪脂,當廚餘唔好嘥。
「我唔鍾意放假嘢,要擺就要擺真嘢,對我嚟講安全啲同夠環保,而且唔使開刀唔留疤,效果夠自然。」顏子菲說。
醫生老豆做私人顧問,仲幫手做風險評估。
「爹哋同我分析過,知道注入自體脂肪隆胸嘅風險,喺將來有機會鈣化,但其實就算唔做脂肪隆胸,女人都會有呢個可能。加上同醫生商量,佢話我上身太瘦得層皮,若果做假體放矽袋,效果會似警鐘胸;而且放假體都有風險,擺十年要攞番出嚟。」


移 pat削髀醫生用長吸管將脂肪抽出,手術後抽脂傷口約有 0.5cm,十日後可拆線。 

填胸從吸出 3000cc脂肪,再從中揀出近 1公升活躍脂肪填入胸。 

剛做完手術嘅佢,第一時間唔係𥄫下巨咪,而係嗌眼痛。因伏下抽臀脂數小時,眼球壓住太耐而痛楚,要護士幫佢滴眼藥水。

儲備充足

巨躉加象腿,肥膏儲備勝在夠多,令顏子菲夠「彈藥」拉下補上,不過她亦按醫生建議,花個多月時間狂食增肥五磅,確保儲備更加充足。
上週四(四月九日),僭建手術前一日,顏子菲到醫務所作最後檢查,並讓醫生在她身上 mark下抽脂及注射位置。穿上無墊比堅尼的她,平如 iPad的 30A上圍及 38吋重災龍躉,無所遁形。連醫生畫位時,亦忍唔住拍拍她心口講咗句:「真係好平。」
最初醫生估計在顏子菲下圍及大腿內外兩側,可抽取共 2000cc脂肪,之後再從中抽出約 500cc活躍率高達 90%以上脂肪,在兩邊乳房各注入 200cc,將 A Cup變 B Cup。
捱痛抽脂,升得一級!「我唔貪心,只想行路有少少動盪,瞓低唔係平板已經好開心。」至於手術前夕心情,她說:「冇乜喎!唯一係見到抽脂支長針管,都驚一驚,不過到時我全身麻醉幾粒鐘,乜都唔知。」


隆胸前 iPad胸隆胸前夕,佢換上比堅尼,俾醫生在身上 mark抽脂同注射位,平過平板電腦嘅上圍,同充滿肥膏的 38吋下圍及粗壯大腿現晒形。 

醫生見到都忍唔住話:「真係好平!」 

臨時加料

上週五(十日)上午十一點,顏子菲在四個護士及醫生陪伴下入手術室。原定手術在五個小時內完成,結果比預計多了一個小時。
醫生步出手術室,劈頭第一句:「抽到我好攰。」原來「龍躉子菲」積聚了極多頑固脂肪,結果意外抽出 3000cc,當中有 965cc屬於活躍脂肪,即接近一公升。顏子菲臨場加料,在她左胸注入 370cc,右胸 440cc。
完成移 Pat削髀填胸後,瞓在手術床的她,即時大三吋升兩級,變成 33C,相當豐滿。記者見她兩邊胸底只有 0.5公分針孔,縫上一針後便貼上膠布,至於抽脂的下身,則穿上塑形緊身褲。


痛到要人扶做完五粒鐘手術,顏子菲大腿確係幼咗,但賣自然要脂肪胸,代價就係抽脂後大腿酸痛到爆,離開時要人扶住走,上車都好困難。 


手術後第 2日雙腿每邊有三個抽脂傷口,所以有兩星期不便行動嘅佢,上廁抑或上床都要人幫手抬起對腳,難怪佢話:「我好似坐月咁。」

手術療程 約 26萬顏子菲做嘅抽脂隆胸,單係注射一 part要九萬多,連埋麻醉師、每 part抽脂費、身體檢查及事後塑形護理,合共至少廿六萬。 

為儲足脂肪彈藥,顏子菲事前狂食增 5磅。 

女人最痛

隆胸要靚兼自然,也要付出好大代價。雖然事前已做好心理準備抽脂後有幾痛,但真正殺到埋身,先知咩叫女人最痛。休息個多小時,食了半碗通粉回氣後離開的顏子菲,因抽脂傷口無比酸痛,要醫護人員及經理人攙扶蹣跚而行。一拐一拐忍住痛的她,象腿同下圍明顯縮細。
問她隆胸後感覺,顏子菲說:「個胸似嚟月經咁有少少脹痛,啱啱換衫有望過一眼,好滿意個形,脂肪好輕,所以隆到 C級都冇負荷感;反而下身抽脂後嘅酸痛係我意料之外,以前拍完動作片都周身痛,但呢個勁好多倍,好似俾人打咗一身咁,醫生話大約一星期時間,神經感覺適應番,就唔會痛。」


手術後第 3日3日後,佢急不及待在家試性感泳衣,一睹效果自然的 33C大咪。胸下的針孔注射傷口,仍貼着膠布。 

告別變幻球 

昔日的她,要靠兩個墊及戴三個胸圍先做到逼爆效果,否則變番水平如鏡。

離開亞視後,她簽新經理人公司「富創作」,接司儀工作外,早前還客串大收賀歲片《金鴨》。 

10年莊思敏公開承認做假體隆胸手術,她稱當日放矽袋入胸後,傷口只係有少少痛。個胸紮咗紗布三個星期定形後就可以沖涼。 

(《忽然 1周》圖片)

雪藏十年備用


打 60支1公升脂肪中,只用 800幾 cc分成 60支針,打晒落顏子菲個胸。 

顏子菲抽取了 900多 cc活躍脂肪,隆胸只用了 810cc,剩餘的 155cc,醫學美容中心幫她存放入冷庫,冷藏期可長達十年。顏子菲說:「醫生話等半年後脂肪流失少少時再注射多一次,若果用唔晒,可以遲啲打入額頭當美容,幾年後幫個胸加大又得,唔使再抽。」

兩不一堅持

緊身褲著三個月
顏子菲抽完脂要馬上穿上一條開襠塑形緊身褲,固定下半身,首一個月著足廿四小時唔除得,唔可以沖涼,到第二及第三個月可改為睡覺時穿著,但每日至少穿十二小時。

 

鋼線 Bra唔准著
胸部注入脂肪後定形需時,三個月內唔可以戴有鋼線的胸圍。

醫生:各有優缺

整形外科專科醫生彭志宏表示,傳統用鹽水袋、矽膠等外物隆胸會有疤痕,嚴重者會流血發炎,屆時要做手術移除植入物。除了疤痕,隆胸手術會有切口位,位於乳暈、腋下或胸下位置。手術後會有輕微痛楚,可按摩紓緩。植入物方式隆胸,一般要在十年左右移除,而為了乳房形狀更自然,隆胸要定期按摩。
至於自身抽脂隆胸,如果本身皮包骨,根本冇辦法做到,亦不能用別人的脂肪,免出現排斥。至於從未生產過、皮膚較緊的女士,想隆得大要做兩次注射手術。相反胸部皮膚較鬆,如胸部曾因谷奶而脹大,產後有肚腩的女士就最適合做自身抽脂隆胸手術。注脂手術針孔細,胸部傷口痛楚較輕,但抽脂部位則會較痛。
不過若注脂做得不好,脂肪會壞死或易鈣化,若家族有癌症紀錄或自己曾經患癌,不建議做注脂,因 X光片不易分辨出是鈣化或癌症,要做磁力共振核實。


矽袋 

脂肪 

 

一年內不可減肥
脂肪會隨人體流失,隆胸後在一般情況下,顏子菲未來一年預計會流失約 1/3脂肪。「醫生話一年內唔可以減肥,因為女人一瘦係瘦個胸先,到時盞搞到個手術白做,白白捱痛。」


撰文、攝影:娛樂組
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()