《魔法王》無法添食 Louis力撐吳若希夠真

近日魔術師甄澤權(Louis Yan)主持的《至尊街頭魔法王》,收視達到23點成「收視救星」,當大家以為無綫必定會添食之際,Louis接受《頭條日報》訪問時卻說自己無法繼續為無綫「添食」:「喺短短幾個月時間裏面要籌備、構思、設計、練習過百個創新魔術,仲要做道具,唯有自資過百萬組成團隊,集合台灣、日本、美國等地十多位魔法精英協力,時間唔夠,無法配合無綫添食要求!」

Ads by Google

至於近日網友怒轟女主持吳若希(Jinny)聲音嘈爆,集集都聽到無數次「好犀利呀!點解嘅?」,呢句說話甚至被網民視為「2015年煩音」。對此Louis非常唔認同:「其實佢都做得好好,最初我以為佢cool cool哋,但埋位又係另一回事,佢好似小朋友咁真係畀到好大反應喎,其實事前佢只係略知魔術內容,唔會睇到預演,所以有呢個即時反應,我覺得好真實。Jinny仲好幫得手,拍攝時佢成日用合照為條件拉攏觀眾睇魔術,非常做到嘢。」有Louis力撐自己,Jinny放心啦!

 

 

Louis坦言今次主持《至尊街頭魔法王》有壓力,尤其是用舊魔術去挑戰自己的環節,真係好高難度,而籌備時間太短,所以只係做到10集,唔可能再添食。

網友怒轟吳若希聲音嘈爆,集集都聽到無數次「好犀利呀!點解嘅?」,呢句說話甚至被網民視為「2015年煩音」。

網友笑指吳若希的表情超誇張,經常擘大個口問「點解嘅?」似足海獅等食咁嘅樣。

網友更於討論區舉行投票「吳若希叫聲是否係目前最討厭和反感女節目主持?」,七成人投贊成票。

    全站熱搜

    tvb4life 發表在 痞客邦 留言(0) 人氣()