燒燒三文魚鰻魚飯 $52「一件壽司」的創立,全憑樂樂與阿佳的一股熱誠,而《 One Piece》的冒險精神亦是他們踏出第一步的助燃劑。 

創業通

憑《 One Piece》冒險精神  80後賣外帶壽司

Ads by Google

日本漫畫《 One Piece》(《海賊王》)連載了近 18年,不少 fans都被主角路飛與同伴的冒險精神所吸引,兩位 80後樂樂與阿佳亦受《 One Piece》感染,決定進行人生第一次創業冒險,憑着一股熱誠,在紅磡開設了「一件壽司」,專營外帶壽司服務。雖然這行的競爭十分激烈,但他們憑食物質素及推出跨區送貨服務,守住了城池,也希望帶領「一件壽司」走得更遠!

 

踏入位於紅磡的「一件壽司」,除店名的靈感來自日本漫畫《 One Piece》外,店內亦放滿了《 One Piece》的公仔,連裝潢也帶有《 One Piece》的影子。樂樂笑說︰「阿佳係《 One Piece》嘅 fans,我哋都覺得漫畫入面嘅冒險、希望、不屈不撓嘅精神好啱我哋,所以用『一件』嚟做店名。」
這小店的創辦人是一對 80後的戀人樂樂與阿佳,他們一主內一主外,這裏除常見的外賣壽司、刺身外,竟然還有燒物、拉麵、烏冬及日式便當等熱食提供,「我哋嘅炸年糕唔錯㗎,仲有拖羅飯、豬扒拉麵。」
樂樂與阿佳在城市大學修讀社工系, 12年畢業後投身社工一行,「我同阿佳一直有個創業夢,但唔知做咩好,直到上年喺朋友聚會識到壽司師傅阿基,佢喺中環高級日本餐廳做咗十幾年,言談之間知佢想出嚟闖闖,我哋傾咗好多次,覺得大家都夾到,咁啱知道紅磡有間壽司外賣店想搵人頂手,就決定創業。」


壽司九官格 $218這是「一件壽司」的特選之一,樂樂說:「每格都係一件特色壽司,好似炸海膽、原粒燒帶子壽司、有頭甘蝦壽司等,都係師傅好花心思嘅製作,如果出面食要成 5百幾蚊。」 

秘汁燒三文魚皮 $6/件 

秘汁燒三文魚 $5/件

破釜沉舟

在正式開業前,阿佳已辭去社工工作,花了 4個月向阿基學習製作壽司及切魚生的技巧,樂樂亦轉為半職社工,這可說是十分冒險的行為,阿佳表示:「呢次係我哋第一次創業,決定咗就想做好佢,好似喺飯上都落咗唔少功夫,米都試咗 5、 6種,飯嘅酸甜比例要不斷調較,同時我向阿基學切魚生、分魚嘅種類及好壞等。」
樂樂與阿佳共投資了約 35萬,一件壽司在上年 10月於紅磡正式開業,剛開張他們便迎來第一波的挑戰,「開業前知道周圍多住宅,覺得客源上有一定保證,但開鋪後生意唔多,可能天氣轉涼,少咗人想食生冷嘢,好多客入嚟問有冇熱食,之後我哋推出咗冬日海鮮打邊爐套餐,之後仲推出燒物、烏冬等,令食品款式多樣化,生意真係改善咗。」


阿佳與樂樂之前拍拖會去郊外,現在已變在鋪頭,「開咗鋪後,一日都冇休息過,有時同樂樂喺鋪內搵啲嘢玩吓,好似玩吓公仔,都幾開心。」 

店內設有兩個凍櫃擺放包裝好的壽司及刺身,樂樂說:「我哋每次擺出嚟嘅量唔多,客人落咗單唔夠先即時再整出嚟,咁先夠新鮮。」 

受《 One Piece》的影響,店鋪的宣傳照也帶有《 One Piece》的味道。

跨區送貨

宣傳上,樂樂表示派傳單成效最大,而保持食物的質素,才是吸客之道,「我哋透過 facebook、派傳單做宣傳;我哋係頂手鋪,都有 WhatsApp番啲舊客,話佢哋知轉咗手。雖然我哋比附近嘅外帶壽司店貴 1、 2成,但好多客人都讚我哋嘅食材新鮮,同味道好,唔係都留唔住啲客。」
聖誕節時,樂樂更推出跨區送貨服務,吸引了一批跨區客來幫襯,令生意增加了 3成。「九龍區訂$500以上、香港及新界區訂$1,000以上,我哋會 call van送過去,免運費;個額唔夠,會收番運費。𠵱家有嚟自港島區、沙田及將軍澳嘅熟客,開 party就會幫襯我哋。」


•現時阿基與阿佳(右)是店內的壽司師傅,平時阿基會指導阿佳切魚生的技巧。 

客人郭太我住喺附近,之前幫襯過。最鍾意三文魚腩壽司,覺得好新鮮,呢度嘅壽司飯有口感,又唔會太實。 

客人 George我係 poly學生,之前食過呢度嘅三文魚壽司,比其他鋪都新鮮,𠵱家不時會行過嚟買。

保持新鮮感

為了保持客人的新鮮感,阿佳與阿基不時推出新產品,「我哋慢慢加多咗唔同嘅壽司款式,好似活北寄貝、有頭甘蝦壽司、炸海膽等;最近新出咗燒三文魚鰻魚飯、拉麵,希望客人唔會覺得悶。」現時壽司刺身佔整體生意額約 7成,客源 7成來自街坊客。
除了發展業務外,樂樂亦希望「一件壽司」可以為社會出一分力,「自己當初做社工都係希望幫到人,雖然𠵱家做生意,但都想回饋社會,好似有時將啲食物交畀義工隊,派畀公公婆婆;前排我哋同間幼稚園合作搞活動,向小朋友講述關於米嘅故事,仲畀佢哋整加州卷等壽司,傳遞珍惜糧食嘅訊息。」


日式芝士炸年糕 $28除了壽司及刺身外,「一件壽司」也推出熱食及炸物,迎合客人的需要。 

早前樂樂與阿佳與一間幼稚園合辦關於米的活動,藉着製作壽司,講解米的故事及珍惜糧食。 

日本漫畫《 One Piece》原本只是男人的浪漫,想不到成為了一種額外商機,樂樂笑說︰「阿佳同阿基都鍾意《 One Piece》,鋪內擺咗啲海賊王公仔做裝飾,點知好多人入嚟問啲公仔賣唔賣,最後決定喺日本入公仔放喺店度賣,成為店鋪嘅特色。」

開業成本

 

每月收支

 


撰文:曾志恒
攝影:羅巧怡
部分圖片由被訪者提供

    全站熱搜

    tvb4life 發表在 痞客邦 留言(0) 人氣()