身為老闆的 Derek(中),工作並不輕鬆,「平時會留意公司嘅曝光率、網頁動態,之後開會同唔同部門傾發展方向,每個月都會飛 3次台灣,了解番戰隊、比賽及公司等狀況,𠵱家自己反而冇時間打機,不過我睇人打一樣咁開心。」 

Jobs Live

香港電子競技揸 fit人

Ads by Google

現今打機並不再是廢青及毒男的代表,在外國打機發展有如傳統體育運動,衍生出電子競技,這項運動在外國流行多年,只是在香港還未成熟。 Derek是香港首位搞電子競技運動的人,他看到市場的潛力,在 13年成立 HKEsports,並建立自己的戰隊,到國外參加不同的比賽,帶領本港的電子競技運動進入新里程。

 

來到位於中環 HKEsports的總部,沒有聽到打遊戲的音效,亦沒有看到迷幻的燈光,與平常的寫字樓並沒有大分別,每位職員都坐在電腦前敲打着鍵盤,創辦人 Derek說:「電子競技同傳統公司冇咩差別,都會有唔同部門, marketing、 accounting及行政部等,我哋會舉辦本港電子競技賽事,組成自己嘅戰隊,發佈關於電子競技嘅資訊等。」
只有 24歲的 Derek喜歡打機,因此萌生了成立一間電子競技公司的念頭,「自己一直有留意外國嘅電子競技賽事,有幻想過自己成為電子競技選手,但發覺香港冇咩平台畀人去嘗試,但台灣、內地都陸續發展緊,香港冇理由唔得,於是我決定試吓。」


HKES戰隊成員 Dinter我負責隊中 jungle嘅位置,自己接觸英雄聯盟有 2年幾時間,一直尋找一個好嘅舞台畀自己發揮,於是成為咗職業選手,喺約 1年前加入咗 HKES,希望自己可以做得更好。 

早前香港理工大學商科教授邀請 Derek,在堂上與學生分享電子競技運動的發展狀況。 

成立戰隊參賽

Derek辭去當時的銀行工作,利用自己的積蓄,成立了 HKEsports,成立初期,最首要任務是讓大眾知道 HKEsports的存在,「當時搞咗個有 150萬獎金獎品嘅比賽,邀請來自台灣及國內嘅電子競選手嚟香港參加,打響咗知名度。我再成立戰隊,簽咗當時已經好出名嘅台灣電競選手 Stanley,之後開始聯同唔同嘅遊戲官方機構合作舉辦比賽,好似《英雄聯盟》、《爐石戰記》等,多咗人認識我哋。」
早前有基金看中 HKEsports的發展潛力,並投資逾 6,000萬,讓 Derek可以大展拳腳,「要搞電子競技,後勤支援好重要,好似宣傳、組建戰隊嘅費用,𠵱家我哋喺香港同台灣共有 4隊戰隊,參與唔同嘅遊戲比賽。直播賽事期間嘅廣告費收益,我哋會同選手分帳;另外我哋 facebook嘅瀏覽率每月有 1億人次,都係一個洽談廣告嘅渠道。」


HKEsports在 14年成立 HKES戰隊,主要參加《英雄聯盟》的賽事,圖為在 3月時參加台灣 2015 LMS春季聯賽,選出 8支台港澳的隊伍出賽,冠軍可奪得新台幣 2百萬的獎金。 

現時電子競技運動,每個遊戲的熱門程度都不同,舉行比賽的數目亦有分別,目前最紅的是《英雄聯盟》,每季約有十多個比賽,獎金由數萬至數百萬不等。

香港打機人數多

HKEsports的收入主要來自轉播比賽時的廣告、遊戲周邊產品的贊助,每年營業額約有 4百萬,而比賽贏來的獎金多是由參賽選手去平分。現時 HKEsports在香港及台灣兩地亦設有公司,員工約有 120人, Derek相信電子競技市場在香港有很大的發展潛力,「我哋想發展成為一個電子競技嘅資訊平台,喺香港 18歲至 34歲嘅人士有 9成人會打機,人數好龐大,點將佢哋拉去成為我哋嘅平台用戶,係目前嘅發展目標,希望將來啲人要搵電子競技嘅資訊,首先會諗起我哋。」


今年 3月, HKEsports為慶祝成立 2週年及 facebook有 20萬個 like,舉行 fans活動,與 HKES戰隊透過網絡直播進行問答,與 fans接觸。 

《英雄聯盟》是一款推塔遊戲,玩家分為兩隊,控制不同英雄以破壞敵方的主堡為目的,最終能破壞敵方主堡或令敵方投降便是勝利一方。 

 

網址︰ hkesports.com


撰文:曾志恒 
攝影:傅新發 
部分圖片由被訪者提供

    全站熱搜

    tvb4life 發表在 痞客邦 留言(0) 人氣()