阿飽 23歲香港理工大學時裝設計系 Yr.3「 Miss,我哋想喺心口位再加啲布碎,可以點整?」採訪當日,阿飽在仁濟醫院林伯欣中學擔任 fashion show workshop導師,學生們都很活躍,十分投入設計自己的作品! 

U撈

Fashion嘅嘢…… 就係發掘時裝觸覺

Ads by Google

「 Fashion嘅嘢,你識條鐵咩!」成了這世代的口頭禪,但若真正接觸時裝設計與時裝表演的製作,卻又未如想像中難以理解,更可能從中發掘自己的時尚創意觸覺!今年 23歲、修讀時裝設計的阿飽,在 INNO Fashion Center當 fashion show workshop導師,到不同中學教導學生設計時裝、修正衣服及舞台設計等知識,希望讓他們更早發現自己在創作上的潛能,了解時裝並不是遙不可及!

 

阿飽自小喜歡畫畫及做手作,不論素描、國畫、十字繡或其他 D.I.Y.手作都很熱中,順理成章在中學時選修美術,「咁多個範疇入面,我最鍾意整衫,因為立體嘅變化比平面多,唔同物料又可以造出唔同感覺,發揮空間大啲,好好玩!」認定自己的興趣後,便於大學時選修時裝設計。
阿飽和眾多大學生一樣,做過不少兼職,「我教過乒乓波班、做過 sales、幫人補習、做學校 student helper等。直至上年 4月,老師介紹我去 INNO Fashion Center by INNO Education Group Ltd做兼職,主要係去中學教有關時裝嘅 workshop,加上自己諗過畢業後從事教育工作,一聽到就好想去試!」


Fashion show workshop每班大約 30人,由 3位導師負責,阿飽坦言初時怕應付不來,「𠵱家習慣咗,其實學生上堂好有秩序,最緊要發掘到佢哋對時裝嘅興趣!」 

課堂上,阿飽不斷處理學生提出的問題,「有啲學生會想你直接幫佢解決問題,但為咗訓練佢哋嘅解難能力,我會引導佢哋,大家一齊諗解決方法。」 

阿飽表示有些學校在課程的尾聲搭建 T台,讓學生體驗一次小型的 fashion show,圖為去年 7月文理書院讓同學舉辦的時裝表演。

由理論教到實踐


上堂前,導師要準備好課堂中所需用品,圖為阿飽(左起)正與導師 Sakura及 Lamb預備車衣的布辦。 

工作坊所涵蓋的內容甚廣,由理論開始,到設計衣服草圖、製作衣服、舞台主題、髮型、化妝等都由學生親手製作,阿飽表示充滿挑戰性,「最基本由畫設計圖開始,畫咗唔代表可以造出嚟,所以要同學生討論每個作品嘅可行性,再教佢哋作出修改。都會教 fashion show嘅細節,好似主題、 mood、背景音樂、場景、髮型及化妝配合等,畀大家了解成件事點運作。」
由學生的身份變成導師,所面對的問題大大不同,阿飽自言最初亦有點不習慣,「管理課室秩序暫時都未算係大問題,反而畀學生 comment及引導佢哋解決問題時,真係好考執生能力!試過有學生唔小心剪爛咗塊布,就要諗點樣加布,或者將錯就錯,剪多啲轉款,真係要隨機應變。同埋唔可以直接幫學生解決問題,要慢慢引導佢哋自己諗,呢樣我都要慢慢學。」

自己都有得着

阿飽更表示,在導師的角度給予學生建議時,亦令自己有所啟發,與他們一起從錯誤中學習。「有次見到一位女同學好畀心機,用羽毛及皮革嚟整件衫,好花時間但好靚;另外試過有組男同學搵唔到女 model着長裙,結果自己反串親身上陣,真係幾搞笑!」
阿飽坦言這份工作可帶給她很多歡樂及可為未來的鋪路,現時每星期約教 1至 2班,月賺約$2,000。她打算畢業後修讀教育文憑,然後從事時裝的教育工作,讓新一代更早找到自己的興趣!


衣服製作完成後,導師更會讓同學自行拍攝 styling照,阿飽笑說:「佢哋嘅作品都好 pro㗎!」圖為協恩中學學生所拍攝的 styling照片。 

點入行?


我哋對整衫好有興趣,堂上可以同組員由設計、畫圖、到落手落腳完成一件衫,真係幾好玩同幾有成功感!平時都係屋企人幫我哋縫衫,𠵱家會自己試吓! 

INNO Fashion Center的 Fiona表示,若想成為 fashion center導師,必需為 Poly ITC學系學生,「我哋每年都會經 college同 tutor去學校做兩次宣傳,希望為 poly fashion design學系學生帶嚟實習機會,做到薪火相傳。另外,同學亦可以直接去 fashion center申請。導師到中學教班會有 guideline,每堂兩個半鐘約有薪金$250,每星期最多返兩日。」

查詢: INNO Fashion Center by INNO Education Group Ltd.
e-mail: fashionhk@ymail.com
電話: 9127 3491(陳小姐)


撰文:霍芷晴
攝影:傅新發
部分圖片由被訪者提供

    全站熱搜

    tvb4life 發表在 痞客邦 留言(0) 人氣()