青雲路

從化妝到婚禮統籌 一次學晒!

Ads by Google

白色的裙擺、美麗的妝容、美倫美奐的場地,一切如童話般夢幻。但當一切都得由新人自己安排與處理,會是多麼煩擾的事! BeautyTech最近增設了集職業化妝、活動管理及婚禮統籌 3大範籌於一身的課程,除可了解一條龍的婚禮程序運作外,學員修畢課程後,亦可選擇成為化妝師、司儀或婚禮統籌員,為更多新人製造美麗的回憶!

1.職業化妝


Janae表示化妝部分會先教授矯形技巧。圖為課堂上教授雙眼皮、睫毛及眉的化妝方法。 

BeautyTech創辦人及校長 Janae Chan表示專業婚禮及活動統籌課程,主要分為職業化妝、活動管理及婚禮統籌 3大範疇,「我曾經喺經理人公司做過,參加過大大小小嘅活動,發覺香港𠵱家流行個人化嘅活動統籌,就有意聯同各方面嘅專業人士開班。」
化妝乃一切的基本, Janae表示:「首先會教學員矯形,好似雙眼皮教學、香港常用嘅日韓化妝,及歐美嘅 smokey eyes等。另外,會教素描、顏色學及皮膚學,完成基本課程後,再細分新娘化妝、雜誌或活動化妝、電視特技妝及 styling幾項,學員可就自己嘅強項及興趣選修。」

2.婚禮統籌


Janae(中)不時會與導師和學員討論不同眼形的化妝方法及時下流行的妝容。 

婚禮統籌部分,由擁有 10年婚禮統籌經驗的 Jenny導師任教,「婚禮統籌市場實用性高,近年都好受歡迎。呢一部分會教學員風險管理、財政預算、與人溝通等技巧,危機處理尤其重要,例如婚宴上有好多突發事件,如遇到唔合作嘅賓客,大家都要識得點解決,又唔得失雙方。」

3.活動管理

活動及婚禮中,司儀擔當着重要的角色,氣氛的帶動更是關鍵! MC Gary從事司儀工作達 11年之久,擔任過不同活動如政府項目、酒會、慈善機構及婚宴的司儀,「活動管理課題主要細分為 MC技巧及活動統籌兩項,其中說話技巧好緊要。」
Gary表示會教學員在不同場合使用不同語調,「各個場合都有唔同要求,以政府項目為例,講求清晰、唔可以讀錯職位,整體發揮唔大;婚宴需要講祝賀說話、製造浪漫氣氛、與賓客有互動性,令大家有難忘回憶,好講創意!」

大型比賽實習

為了增加學員的實戰經驗,學校還提供不少實習機會,「會畀學員參與選美、歌唱比賽等大型活動,為參賽者化妝。歌唱比賽大多都係新人,形象唔會被定型,可塑性較高,好適合畀學員發揮。」
完成課程後,學員會獲得工作轉介,如到化妝品牌、主題公園及電視台工作等。學員由化妝師助手做起,然後晉升至初級化妝師,時薪約$300,一般化妝師則每小時$500至$1,000不等。
除了就業外, Janae表示學員還可選擇修讀銜接課程,「可到尚華書院報讀管理文憑課程,然後再銜接海外 The international College of Management,Sydney嘅學位課程,全個過程約需 3年。」

分享真實個案


Jenny指出一個婚禮的財政預算很重要,「我會同學員分享一啲真實嘅 budget plan,例如一個 50萬嘅婚禮,可以睇吓佢花費喺邊啲唔同嘅項目上。 Rundown同 countdown list,我都會用真實例子。」 

Jenny着重課程的互動性,故課堂上會讓學員進行分組活動,「我會將學員分成幾組,就婚禮嘅細節進行討論,好似討論唔同種類嘅回禮小禮物,例如有名字嘅糖、有 lable嘅酒樽,都幾有創意。」她還會與學員分享自己統籌婚宴的經驗,作個案分析,如向學員展示真實的婚禮財政預算及流程製作。
課程設有實習,「我哋每個導師都各自有生意,接到 job都會畀學生參與其中,跟一整日嘅 wedding job,可了解成個程序。」對婚禮統籌有興趣的學員,修畢課程後,除開公司創業外,亦可選擇到特色婚禮統籌公司、酒店等擔任活動統籌工作,月入分別約為$14,000及$18,000以上。

阿 Yu學員想學得專業啲!


阿 Yu表示:「學咗專業化妝後,令我對化妝用品好有要求,希望可以買齊一套質素好嘅化妝掃!」她坦言,增值自己可為生活帶來動力。 

上堂近兩個月,藝人阿 Yu表示課程很實用,「工作上可能會用到呢啲技能,自己想了解多啲同做得專業啲。原來真係可以透過唔同嘅化妝,呈現唔同嘅感覺,仲慢慢識得分析唔同人嘅需要。其中,我對眉毛及 set頭特別有興趣。自己頭髮本身比較 drop,學識點吹帶空氣感嘅髮型真係好開心!」她坦言不論畫眉還是髮型設計都要每天練習,才會有成果,「我都試過失敗,吹燶咗自己啲髮尾。」
阿 Yu希望將來報讀婚禮統籌課程,以及多學舞台及 styling方面知識,「覺得姿色同知識都同樣重要,想定期充實自己,有機會會試吓做化妝師,工作多元化啲!」

兼顧場地佈置


Gary表示作為活動統籌必須細心及思考全面,「試過一次喺戶外大草地舉辦大型慈善活動,有大人小朋友幾百人,但得一部發電機,冇插頭位。要好小心安排資源分配,先可以令活動進行順利。」 

Gary亦會分享自己的經驗、相片、活動影片及解難方法。活動統籌中,佈置場地亦是重要一環,「 set場要考慮得好仔細,如木椅嘅擺位、燈要開定閂、光定暗等,每一個細節都會影響流程及運作。」
課程設實習機會,學員畢業後可申請到活動公司、市場推廣公司等工作,「初出茅廬嘅司儀,若接婚禮或晚宴工作,每個 job約收$2,000至$3,000;小型嘅地區活動,則每小時收$500至$1,000。」

 

課程:專業婚禮及活動統籌課程
機構: BeautyTech
日期: 4月
時數: 150小時
費用:$23,800
內容:課程為有志投身婚禮統籌行業人士而設,從專業婚禮知識、市場趨勢及管理技能 3個範疇提供培訓。課程就職業化妝、活動管理及婚禮統籌 3大範疇教授相關知識。課程上會以小組討論、練習、示範、個案研究等形式讓學員投入,期間更會提供工作實習機會。
查詢: 2574 4418


撰文:霍芷晴
攝影:傅新發

    全站熱搜

    tvb4life 發表在 痞客邦 留言(0) 人氣()