除理論課外,學員還要學煮茶餐廳常見食品。 

職場起底組

開茶餐廳發圍

Ads by Google

翠華做到上市,不少明星名人亦入行開茶餐廳,市民平時最常接觸的茶餐廳,看似隱藏商機、經營容易,但其實當中有不少竅門及問題要面對。不想成為失敗例子,可以報導坊間一些茶餐廳創業課程,瞭解箇中玄機,尋找發圍之路。

 

仁愛堂 YES專業進修課程舉辦的港式茶餐廳創業證書課程,由從事飲食業四十多年的麥志城師傅親自教授,除教學員營運上的注意事項外,還教授食物製作及飲品沖調技巧,「堂上會教學員茶餐廳嘅營運理論,例如選擇唔同嘅目標顧客,就要主打唔同食物,學生客就要賣雪糕、格仔餅及花旗蔘蜜等特色食物,要多花款式;寫字樓客建議推多啲小菜款式,飯餸分開上。另外會教食物製作,好似公司三文治、炒蛋、紅湯白湯、黑椒汁、洋蔥汁等茶餐廳最基本嘅嘢,對食物監控上要有一定認識。」


公司三文治 

炒蛋多士 

避連鎖集團

現時要創業,應避免與大財團直接競爭,「學員二十至四十歲都有,𠵱家開間 100座位嘅茶餐廳,成本約要 70至 100萬,但要注意𠵱家連鎖茶餐廳開到成巷成市,創業可以選擇喺屋邨,或者內地發展,港式茶餐廳喺內地好受歡迎,係一個唔錯嘅商機。」


導師麥志城茶餐廳要做得住,要識控制成本同標價,好似凍檸茶嘅糖水,自己識整比入貨慳 70%成本。一杯飲品成本係$1,賣就要$14,𠵱家水吧員工人工都要萬幾蚊,要 cover個支出,條數一定要識計。 

學員 Wing有興趣開茶餐廳創業,但自己唔熟諗住學吓先,今次係第二堂,學咗茶餐廳常見嘅食物製作,自己煮嘢食唔叻,係一個幾好嘅認識,之後導師會教牌照申請、成本控制等,我對呢幾方面較有興趣。 

 

課程:港式茶餐廳創業證書課程
機構:仁愛堂 YES專業進修課程
對象:有興趣人士
學費:$1,100
堂數: 5堂,共 12.5小時。
內容︰茶餐廳市場情況、選購材料知識、爐具運用、申領牌照基礎知識、食品製作、咖啡及茶類的沖調技巧等。
查詢: 2155 2855

PROFILE

打工達人,白羊座,性格外向,天生八卦愛吹水,相識滿天下,目標做盡 72行,成日捐窿捐罅搵吓有乜好工跳槽,刮盡各行筍料秘聞。


撰文:打工達人
攝影:葉偉豪

    全站熱搜

    tvb4life 發表在 痞客邦 留言(0) 人氣()