爆眼嘴裂范振鋒喺事發後唞咗一日,周日( 5日)首度現身,右眼微絲血管明顯爆咗,嘴唇唔只乾仲有少少裂! 

媽咪姐

范振鋒開完拖搵屋搬

Ads by Google

有睇新聞都知,上周五( 3日),范振鋒夜晚坐的士返到位於青龍頭嘅屋企樓下,同鄰居發生衝突,仲打凹埋的士,最後要去警署落口供。為避是非,阿范兩公婆諗住搬屋。一齊做節目嘅阿 Bob(林盛斌)好有義氣,話將放緊租嘅「風水屋」借佢哋暫住,仲話免租三個月。但李思欣同媽咪姐講:「原本嘅租約仲有幾個月,依家會加快搵屋,都想搵番深井或荃灣,方便巡保齡球場生意。阿 Bob嘅好意,真係心領。」

 

查實呢件事,唔只搞到要搬屋,工作都有影響。周日( 5日)范振鋒出席活動做司儀,靚仔樣唔見咗,右眼爆微絲血管,口唇都有傷痕。佢原本夜晚應承咗做吳國敬演唱會慶功宴 MC,都要搵歐陽德勛頂上,費事去到成為焦點,影響到主人家啦!



3/4去完醫院驗傷嘅范振鋒,被安排坐警車去警署落口供,搞到上周六( 4日)清晨六點先返得屋企。 

5/4周日( 5日)晚,范振鋒收工後接埋李思欣去睇吳國敬演唱會,心情似乎冇受事件影響喎! 

入行多年嘅吳國敬,終於喺紅館舉行作品展,仲有識咗幾十年嘅 Big Four撐場,呢啲先係兄弟嘛。 

    全站熱搜

    tvb4life 發表在 痞客邦 留言(0) 人氣()