小環同老公去完何文田嘆茶,就沿路行去土瓜灣,睇佢拎住狗袋都幾攰吓。 

媽咪姐

譚小環千金難買好老公

Ads by Google

譚小環真係唔好彩,前幾日,佢喺謝斐道嘅手工店,遭賊人爆格,咁就唔見咗兩萬幾蚊,勁肉痛呀!呢次破財擋災,媽咪姐知道最擔心嘅人係小環老公蔡強榮。事關當初老公知道小環鍾意整手作,就投資百萬俾佢開手工店,而小環凡事親力親為,好多時親自睇舖。呢次遇劫好彩係撞正假期,冇人喺度咋!

 

呢日,媽咪姐喺土瓜灣撞到小環同佢老公,仲帶埋屋企新成員愛犬 LaLa出動。之但係當日氣溫近 30度,小環抱住 LaLa真係又熱又重。佢老公見到咁,就出手幫佢拎。有咁細心又唔計較錢嘅老公,小環真係幸福喇!


自從婚後息影,小環就同老公喺銅鑼灣賣魚蛋,生意仲愈做愈好。 

兩年前,小環老公靜雞雞出資百萬入股朋友嘅手作店,送俾小環做禮物。為咗呢間舖,小環仲去咗日本上堂,學多啲製作技巧㖭。 

轉頭就見小環老公出手拎狗袋。又係嘅,小環着到咁厚,又行到大汗疊細汗,體力勞動嘅嘢,都係留番俾男人做啦! 

    全站熱搜

    tvb4life 發表在 痞客邦 留言(0) 人氣()