博出位

復活好去處

Ads by Google

復活節假期有乜好去處?等媽咪姐話你知啦! Oh sorry!係媽咪姐睇完一班藝人嘅微博再話你知。呢兩日天氣咁好,識玩,梗係玩郊遊,好似大、小 S就分別享受大自然親子樂。

大、小 S@郊遊篇

今個月剛剛一歲嘅大 S徐熙媛千金小玥兒,愈大愈精靈。上個月仲好驚坐草地,前幾日已經克服咗,佢仲同媽咪去郊外玩,開心到兩手 fing fing。


 

細妹小 S徐熙娣都係親子為樂,一家人去咗上海嘅長風海洋世界睇企鵝,睇吓三位千金買咗幾多手信。


洪欣@外遊篇

洪欣撇低老公同囡囡,陪大仔張鎬廉飛到東京過二人世界睇櫻花,真幸福。


徐濠縈@運動篇

肯雅徐不愧為「運動員」,佢聯同商台 DJ朱薰、鄭融等等一大班 friend,一齊跑 10 K過節,健康又有意義。跑完步仲 call埋囡囡康堤,一齊去食復活節大餐㖭!


蘇康@ gathering篇

最熱鬧都莫過於蘇永康同佢老婆 Anita,呢日蘇太牛一,幾乎成班朋友一 pair pair賀壽,包括許志安同正式承認許太身份嘅 Sammi、梁漢文伉儷、張衞健等,好似開騷咁熱鬧。


 

    全站熱搜

    tvb4life 發表在 痞客邦 留言(0) 人氣()