水房業仔(架墨鏡),出入總有一班兄弟傍住。 

編輯室手記

江湖上一個好爸爸

Ads by Google

有道是江湖無情人有情,腥風血雨中打滾嘅江湖人物,對兒女反而無限柔情。
江湖傳聞,水房幕後操盤者業仔,在江湖上刀口舐血,十年來水房內亂,與高佬發進行多場血腥決戰,都傳與佢有關。最令人印象深刻的是,一○年長沙灣麗閣邨藏槍案,一二年,高佬發一方在深水埗追斬業仔頭馬「肥啟」,街頭刀劍亂舞,刀手「水房基」被交警一槍擊斃。繼而高佬發在會展被襲重傷,雙方游擊隊在市區兜截對手……整個水房俾外界嘅感覺,都係特別血腥暴力。

 


一二年,高佬發的人馬被指追斬業仔頭馬「肥啟」,最後刀手被交警開槍轟斃。 

業仔一向予人狠辣形象,近日又官司纏身,記者為了追查其出身,走訪咗佢身邊多個兄弟,不過佢哋都反指業仔並唔係惡人,有情有義。「業仔係一等一好兄弟,佢唔會主動『搞』你,但你一辣㷫佢,哈哈,你就麻煩。」
負責採訪嘅記者都不禁倒抽一口涼氣,因為接觸江湖人物,向來如履薄冰。業仔一向不苟言笑,出入有手下傍住,總是一臉陰沉,城府好深咁嘅樣。
意料不到,業仔都有佢舐犢情深一面。事緣有其他媒體拍到佢兒女嘅照片,業仔知道,即主動搵記者呻不滿,更顯出柔情一面,佢話:「唔關佢事,我辛辛苦苦供佢到外國讀書,希望佢學有所成,呢單案警察去佢公司拉人,搞到而家份工都無埋。你點寫我都得,但唔該你哋唔好影響佢呀。」業仔一班兄弟,都上前幫忙勸說,盡顯兄弟情誼,甚至願意站出來接受訪問。
雖然阿爸係江湖大佬,但佢嘅兒女每日照樣到法庭,雖然佢哋無太多交流,但一個眼神,足以看到慈父情深。
記者心想業仔面臨官司,依家心情肯定低落,但若早知為家人設想,當初或者唔應該踏上呢條江湖路,平淡做人更為幸福。
江湖事禍不及家人,這個基本道義當然大家都懂。


mailto:centipede@nextmedia.com

    全站熱搜

    tvb4life 發表在 痞客邦 留言(0) 人氣()