餃子秘術御夫 李嘉欣剖白七年闊太心路

很多女人一輩子的心願,就是希望能找個好歸宿,最好嫁入豪門做闊太,組織幸福家庭。「大美人」李嘉欣(Michele),正正滿足晒三個願望。

Ads by Google

○八年下嫁比她年長八歲、中建企業集團主席許世勳的兒子許晉亨(Julian)後,李嘉欣即由娛圈女星搖身變成豪門闊太。一一年,她更一索得男,為許家誕下金笸籮許建彤(小JM)。

談到丈夫,李嘉欣即甜絲絲的說:「直到今時今日嘅情人節,Julian仲會同人夾埋畀驚喜我,好有心思。」

婚姻踏入第七個年頭,二人卻無懼七年之癢,李嘉欣更有一套御夫之術,深明要留住男人的心,必先留住他的胃的道理。「佢最鍾意食我煮嘅日式豬肉餃子,仲話日日食餃子,食一世都無問題!」

一段情,只要懂得用心經營,即使愛撒野的小孩,也可馴服變乖,要同偕到老並不難。

 

最愛老公驚喜

大美人李嘉欣情路一向多姿多采,曾多次揚言不一定要結婚的她,○八年與相戀兩年的許晉亨拉埋天窗。當年由當紅影星變嫁入豪門,難免背後會有人閒言閒語。

「我入咗行咁耐,每樣嘢都實有人唱好同唱壞。當初我哋諗得好清楚,幾肯定我哋可以行到落去先至結婚,所以婚後我無『吓,原來我嫁咗去咁嘅屋企』嘅感覺。結唔結婚當時對於我嚟講唔係一個大問題,反而結錯婚就真係煩,結婚唔單只係(行婚禮)嗰日,仲要一齊過好多日子,所以我做每一件事都好深思熟慮,無論係結婚定生小朋友都好,睇返轉頭,我好慶幸無受其他人影響,繼續行我哋想行嘅路。」

情定許晉亨後,她甘願減少幕前工作,留在家中相夫教子,更自言老公是浪漫的雙魚座,總是能給她甜蜜與驚喜。「其實我哋無咩特別慶祝情人節,平時如果就到時間,我哋會一齊去個trip,只要對方花少少心思去o氹吓我開心,我覺得已經好OK,唔需要大驚喜,畢竟我哋都一齊咗九年。

過時過節,李嘉欣定必與老公許晉亨闔家聚首一堂,去年年初二就到福臨門食開年飯。

李嘉欣自家製的日式豬肉餃子(圖為同類成品),是亨亨百吃不厭的愛心料理。

    全站熱搜

    tvb4life 發表在 痞客邦 留言(0) 人氣()