靚抽王

李私煙怒挑勇敢的香港人

Ads by Google

「以前好清秀,腳長長,眼大大,皮膚白淨,花名叫『小白菜』,小學五年級已收第一封情信……」以上所有嘅形容都係出自建制派打手李私煙把口。愚見以為,除咗皮膚白淨係勉強可以算係符合事實(佢真係唔係黑人吖嘛),其他一切只能算係一個美麗嘅誤會。不過,我哋係非常認同,識得欣賞私煙嘅男人,一定係非常勇敢嘅!問題係:將強國水貨客手上嘅私煙,形容為小白菜,就好似你着一條底褲參選港姐一樣,係 9唔搭 8,更加係「 Kai挽梢」。

捐 10000蚊的選擇


聽到亞視又有新搞作,我娛文樂個心肝仔就開始卜卜咁跳,皆因除咗黃子華棟篤笑之外,再搵唔到咁好笑嘅真人 show節目喇!今次佢哋又有新嘢,阿葉家寶話要集資,實行叫香港人每人俾一萬蚊救亞視!呢條唔係橋王都諗唔出嘅絕橋,除咗少林功夫加唱歌跳舞之外,都冇乜其他好橋可以贏得到佢。我夠膽講話係毫無破綻——如果全香港嘅人都有葉家寶嘅智力水平的話。點都好,呢幅網民精製嘅 cap圖,係完全表達咗 10000蚊可以點用,你懂的。
安德尊再戰李錦聯


大王同李錦聯呢孖歡喜寃家自從 2011年喺都市閒情度,初則口角繼而「講手」後,已經有 4年冇再一齊做節目。點知近日忽然兩岸統一,兩人再次互送秋波,金句連連,喺網上瘋傳:

金句一:
大王:呢個茄汁有乜特別呢?
李錦聯:茄汁就係特別在係茄汁囉!

金句二:
大王:你有時都好識嘢呀!
李錦聯:彼此彼此啦!

金句三:
大王:得未?
李錦聯:濃啲咁多先!好喇你可以將個龍蝦放落去。
大王:你俾你嗰個先啦,你放先啦!
李錦聯:你放先啦!
感想: XDDDDDDDDDDD

YouTube Search:安德尊、李錦聯
Cap圖龍虎榜
平日一打開 facebook同 WhatsApp,可謂 cap圖滿天飛, cap圖已經成為我哋生活嘅一部分。今期至新至 hit嘅 cap圖係乜?睇 Cap圖龍虎榜啦!!

    全站熱搜

    tvb4life 發表在 痞客邦 留言(0) 人氣()