寓意:包你有餘 金玉滿堂$1,350 

名人潮

團年食得有營 陳細潔教煮經濟一品煲

Ads by Google

農曆新年是中國人最重視的日子,年三十晚難得一家團圓,團年飯絕不能馬虎。普通人大魚大肉,社交名人食啲乜?
鯊魚女陳細潔( Abbie)出名識飲識食,山珍海味當然食唔少,不過講究又唔代表一定要超豪。近年她愈食愈清淡,她指食落口最緊要有營養價值。「其實食嘢唔一定要好貴,用經濟價錢都可以做到好豪華,一家人聚埋先最重要。」
今個羊年,她為家人炮製團圓發財一品煲,夠晒好意頭。

 


鯊魚女陳細潔每年都會出埠避年,但出發前一定會同家人食團年飯。甚少入廚的她,年年都會學款賀年菜煮俾家人嘆。她今年的團年菜除了必備的白切雞、脆皮燒豬,還嘗試炮製經濟一品煲。「新年係一家人團圓嘅好時候,今次呢個煲經濟得嚟都幾豐富,屋企人應該鍾意。」
巨型花膠送禮

每個新年,陳細潔都會親自揀花膠送禮。訪問當日她亦順道入貨,花膠唔大唔買,件件大過塊面。

農曆新年除了着重美食,送禮亦是重要一環。陳細潔平時最鍾意食花膠養顏,每年都會嚴選頂級花膠送禮。「海味嚟講,花膠出晒 research有骨膠原、蛋白質,佢嘅膠質容易被人體吸收。食燕窩都唔一定養顏,依家仲話好危險,我覺得食花膠安全啲。我鍾意買花膠送禮,送俾人要夠大件,炆出嚟好厚身嗰啲,或者鰵魚膠、白花膠咁會好睇。」
激罕大花膠


陳細潔睇中鎮店大花膠,一件已經有一斤多。「依家花膠愈嚟愈貴,啲魚未大已經被人捕捉,真係買一件少一件。除咗紅酒珠寶,其實花膠都可以用嚟收藏,只要保存得好可以放好耐。」$68,000/件
鰵魚膠自用
陳細潔送禮要揀大花膠,不過自用就以膠質含量高的鰵魚膠。「自己食可以揀平啲,最緊要膠質豐富,煲湯最方便。印度、巴基斯坦的鰵魚膠品質最好。」$1,280/両

團圓發財一品煲


材料:
澳洲鮮鮑魚(半斤重$560)
瑤柱( 5両$300)
金蠔(半斤多$250)
冬菇(適量$40)
野生竹笙、雲耳、髮菜、蘿蔔(共$200)
價值$1,350

1.乾料要浸過夜
瑤柱浸四個鐘,蒸至軟熟。金蠔先浸過夜,第二日再用生抽加黃糖、少量雞汁浸過蠔身約 10小時,之後用細火慢煎至金黃備用。而冬菇浸過夜後用蠔油、油、糖、少量生抽醃過夜,再焗約 40分鐘。至於竹笙、髮菜、雲耳一樣需浸過夜,用淡鹽水出水。

2.鮮鮑慳火候
急凍鮮鮑比乾鮑方便。先將鮑魚出水,之後用油爆香薑片、葱段,加金華火腿,再放入鮮鮑加紹酒蓋好焗香。約十分鐘後加蠔油、少許黃糖及雞湯慢火煮 3小時。

3.精華做芡汁
最後排好材料,將煮熟的蘿蔔放最下面,再鋪上其他材料入大盆。而焗鮑魚及冬菇剩下的汁,加粟粉、水打芡,淋上面即可。

完成
「全個煲都係千零蚊,望埋去已經好得體,有竹笙、雲耳等食材,營養十足!」

撰文︰蔡靜雯
攝影︰周芝瑩
錄像︰蔡政峰

    全站熱搜

    tvb4life 發表在 痞客邦 留言(0) 人氣()