烏眉瞌睡平日瞓到日上三竿的側田,一落樓就到超市、街市買餸,亦會到附近涼茶舖買涼茶(圓圖)。即使瞓到晏晝,側田個樣依然無厘精神,行好運定衰運絕對有樣睇。 

娛樂喧

冇嘢撈搣老本 揭側田秘搬鴨脷洲繼續瘟女

Ads by Google

三年前,開完個唱返祖國搵食的側田,自稱永遠不再回來,結果在祖國愈撈愈霉,要回流返港,但事業依然一蹶不振。
側田風光時,曾經住過半山愛都大廈及貝沙灣,但近日本刊發現他秘密搬到鴨脷洲一個月租二萬,約 500呎的單位。
事業一池死水,不過側田爛蒲愛溝女性格依然冇變。早前他與韓國女友分手後,一拖二帶女返歸。本刊近日發現側田身邊又出現一經常穿熱褲的長腿𡃁妹,二人更拍拖到街市買餸玩煮飯仔。私竇瘟女的側田樂於沉醉溫柔鄉。

輪住集郵
雖然落難鴨脷洲,但戴上招牌 cap帽,依舊俾街坊認出,輪住集郵。

側田回港後,可以說「沒有最霉,只有更霉」,三年來不停大屋搬細屋,由以往月租六萬多的貝沙灣搬到月租三萬八位於中半山區的服務式住宅。近日他又再搬去位於鴨脷洲平瀾街一棟 50年樓齡的混合式住宅,月租僅二萬。
與熱褲妹半同居
側田雖然將老本搣得七七
八八,但食色本性依舊。上月 28日,他便與一個身穿熱褲的𡃁妹到街市買餸煮飯仔。據一街坊透露:「佢周不時帶不同女仔返屋企啦,至於咩關係我真係唔知。不過呢排我哋就成日見佢同呢個女仔(熱褲妹)喺埋一齊,睇女仔個樣最多得 20幾歲。佢哋喺啲街坊面前都冇避忌,一樣照拖手攬腰黐到實。有時見佢一個人下晝五點幾落街,行過見到啲後生女放狗,就行埋去同隻狗玩,撩人打牙骹。」

嫩女陪買餸
有錢冇錢都好,側田依舊有女埋身,早前他便同嫩口熱褲妹逛離家不遠的街市,買餸返屋企玩煮飯仔。

食平價茶餐廳
側田早在去年尾,已經換上身邊這位嫩口妹。二人當日除了逛街,亦有到附近的茶餐廳,一個午餐兩份食。
《壹週刊》圖片
日日街市買餸
側田 05年入行時,憑主打歌〈好人〉、〈命硬〉等 hit歌,成功打響名堂,翌年在紅館開騷,更極速在十分鐘爆滿,事業登上巔峰。可惜其後他多次被斷正攬女,負面新聞不絕,事業瞬間由天堂跌落谷底,最後更要避走北京。兩年前他回港,可惜不久又被斷正在家中左擁右抱兩長腿小姐,結果遭剛簽約不久的寰亞打入冷宮,從此踎躉過日。
本刊日前連續數日採訪側田,發現昔日助手前後簇擁的場面不復見。他每日大多是瞓到黃朝白晏,一落樓就到街市買餸,每次買菜買肉都預二人分量,買完餸即上樓。又見過他攞着大袋衫到附近洗衣舖,以及拎大袋小袋的垃圾到垃圾站棄掉,過着冇工開,典型住家男的規律生活。靠食老本,側田樣樣都要慳住使,以往水頭充足的他,帶女出入的都是高級食肆或酒店。如今要睇住荷包做人,惟有買餸返屋企與女友煮飯仔,經濟實惠又有情趣,側田平玩一樣得。

兜踎住家男

側田差不多每日準時 5點多就會落街買餸,間中仲會拎住一大袋衫去洗衣店洗,樣樣親力親為,果然馬死落地行!
冇新歌開騷
據知,寰亞在去年五月推出側田派台歌〈一粒糖〉試水溫,可惜外界反應一般。所以原定去年尾安排他推出專輯,至今亦只錄了三首歌,換言之,新專輯可謂胎死腹中。知情人透露:「公司(寰亞)簽佢嗰陣,千叮萬囑佢唔好再有是非。不過有人死性不改,唔係蒲就賭。同人合作,態度又麻麻,公司都俾咗好多機會佢,上年年中已經幫佢入紙紅館,喺今年六月開騷。不過佢隻碟到依家都做唔好,冇新歌根本好難開騷。如果唱舊歌,版權又係金牌大風嘅,公司依家都好頭痕。」
上周六( 14日),本刊致電寰亞發言人梁小姐,她表示:「隻碟咁耐未出街,係因為創作問題,同埋想等埋演唱會一次過先推出。(側田咁少新歌,驚唔驚影響個騷?)我諗應該冇問題嘅,有人氣就得啦!」

半年冇嘢撈
側田最後一次工作已經是上年 9月,與楊千嬅一起出席的「新城超越界限至清至純音樂會」。之後一直冇嘢撈,直至上星期,因為擔任泳兒個唱嘉賓才有機會露一下面。

柏高棄卒
曾是黃柏高愛將的側田,回流後曾一度𢱑Paco翻簽,可惜經歷無數負面新聞後, Paco終死心放棄他。

與曹格互毆
09年,側田和曹格在中環酒吧尋歡後,因醉酒在街頭互毆,側田當時被踢中下體,最終兩人不歡而散。

澳門豪賭
側田上年年頭被影到去了澳門威尼斯人賭場賭錢,鋪鋪過萬上落,枱面又煙又酒,土豪味甚重!
大屋搬細屋
霉到爆的側田 2013年由北京回流返港後,工作少到喊。一直咬住老本的他,開始由大屋搬細屋,由豪住貝沙灣變到現在屈住鴨脷洲混合式住宅!

橫街窄巷
側田鴨脷洲的新居,位處橫街窄巷,回家要穿過附近的露天街市,才可到達。

現時 平住鴨脷洲
側田現時所住位於鴨脷洲平瀾街一棟 50年樓齡的混合式住宅大廈,比起以往住慣的尊貴地段,相差頗遠。

一個 500呎的單位,經翻新後,室內裝修見得人,月租只 2萬多,可惜大廈沒有電梯。

去北京前 貝沙灣豪宅
側田未去北京前一直租住貝沙灣一個 1,400呎的中層單位,月租約 6萬多,非常富貴。

返港後 半山私竇
回流返港後,他工作量大減,秘密搬到港島中半山區面積約 475呎的服務式住宅,月租約 3萬 8千元。
2014年收入唔過百萬

14年初,側田在澳門舉行演唱會,反應不俗,惟人氣未能持續,工作量愈來愈少。

澳門站演唱會 2014  23萬
側田 Justin×小肥  15萬
側田爵士 Live音樂會(佛山)  10萬
側田音樂會(廣州)  12萬
新城超越界限至清至純音樂會  5萬
側田一愛一生拉闊音樂會(清遠)  10萬
總數﹕ 75萬
側田風流史一籮籮
側田 05年獲金牌經理人黃柏高賞識,一出道就一鳴驚人,但很快負面新聞浪接浪,喜愛夜蒲的他更惹來一大堆桃色新聞,令形象大受影響,工作從此一蹶不振。


一拖二返私竇
去年側田被發現在灣仔夜場蒲完之後,「起雙飛」帶兩位北方佳麗返歸繼續尋歡,其間更與長髮女大髀疊大髀,動作相當親暱。


韓妹狠撇
10年,側田苦追韓國女友半年終於得手,正式公開拍拖,及後在告別演唱會上向女友示愛,亦一度表示要結婚。但後來因為韓籍女友不滿他爛玩爛蒲性格,決定分手。


木村乃爆淫史
日模木村乃 10年在自傳書《 Party Girl》,大爆赴港發展 4年的淫亂史,在書中提到淫亂男主角,被形容為兩位樂壇「天才」,疑似是側田和曹格。
帶林苑返歸 禿頭照曝光
06年側田跟女歌手林苑傳緋聞,其後二人被拍下在寓所內的照片。當時脫了帽的他,禿頭無所遁形,相中見他頭髮稀疏,呈現地中海及 M字額,此事令他人氣一度急跌。

《壹本便利》圖片


撰文:娛樂組
攝影:攝影組

    全站熱搜

    tvb4life 發表在 痞客邦 留言(0) 人氣()