鴨王撬牆腳 翻版星爺 何浩文 啜箍巨咪女友

近期,何浩文(Dominic)憑住電影《鴨王》一脫而紅,成為不少女士們心中的男神。在電影中,Dominic冧女冇難度,但現實生活卻剛剛相反。一三年,Dominic與糖妹分手後,鮮有緋聞,但原來溝女極小心的他,早前暗溝巨咪o靚模向殷(Cecilia Bear),

Ads by Google

其後他得知向殷情傾「翻版星爺」溫超後,為撬牆腳竟然搵好兄弟在網上攻擊溫超。

日前,本刊就發現懶理情敵Dominic的溫超,與女友在尖沙咀海旁拍拖。雖然海旁一帶人來人往,但溫超與向殷儼如進入無人境地,情到濃時,竟在雪糕車前激吻五秒之久;而當發現女友寒風入骨,他就立即除下外套兼以雙手箍實對方,有如連體嬰般罅都冇條,睇嚟Dominic都好難撬囉。

去年,Dominic與向殷因為拍電影《澀青》而認識,鍾情o靚模的他,即時出手追求。

日前,向殷與溫超在人來人往的海港城手拖手逛街,好不溫馨。

小家鴨王

在電影《鴨王》中,何浩文(Dominic)以男體盛宴,餵飽一眾女士們的一幕,成為全城熱話,還吸納了不少女粉絲。於戲中,Dominic冧女冇難度,連袁嘉敏亦為了他要生要死;但現實生活中,與黃山怡(糖妹)於一三年分手後,愛溝o靚模的Dominic,就仍未找到固定的女友。

據好友透露,Dominic出手冧女例不虛發,可惜不消一會,他的小氣、小家本色就會現形。好友爆料說:「Dominic高大、靚仔,佢出手溝女,一般女都會冧爆。就好似上年咁,佢拍電影《澀青》時,識咗o靚模向殷(Cecilia Bear),開頭佢兩個都發展得幾好,Dominic話上去Cecilia屋企玩狗,個女仔又無任歡迎。不過後嚟,Dominic知道溫超都追緊Cecilia之後,就成日搵人攻擊溫超,話佢啲演技唔掂、人品又差。搞到Cecilia覺得佢好小家,揀都唔揀,就決定同溫超一齊。」

肚仔餓之際,兩人旁若無人,一塊餅乾兩份食,肉麻到暈。

    全站熱搜

    tvb4life 發表在 痞客邦 留言(0) 人氣()