瘋行港女 杜如風

杜如風在成為「世界級港女」之前,首先應該是「癲妹」一名。

向來言行出位,只要有睇過一集半集她從前的旅遊節目,都會知道人如其名,真的是杜如「瘋」。倒是早前在無綫播出的《流行首爾》,不論言語還是動作,其實都收斂得多。

Ads by Google

「世事難料,可能啲人睇唔慣,反而咁樣至瀨嘢!」因為「屋企有一千對鞋!」,即時被網民封了一個「世界級港女」的新綽號。

對此,杜如風是完完全全的毫不介意:「我香港出世,住喺香港,又咁鍾意講嘢,咁我唔係港女仲有邊個係?」

亦坦言要多謝高登仔:「唔係咁我都冇咁多人識啦!雖然我到o依家都唔明,邊度有廿萬網友話要腰斬我個節目呢?」

再明言有一千對鞋,根本完全絕對是正常港女。

「我十六歲開始買,到今時今日三十幾歲人,從來唔掉,點會冇一千對鞋?」諗深一層,又係喎,買夠一千對鞋真的不是問題,問題是:「香港地,請問你去邊度搵咁多地方擺一千對鞋呢?」

「我自己住間屋擺滿晒,再加阿爸、阿媽屋企有間房,仲有個迷你倉添,都唔係好夠o架!」

我認識杜如風小姐的爸爸杜惠東,早兩年就曾經親耳聽過佢講:「睇緊樓啦!諗住買多層樓畀個女擺衫。」

杜如風聽完即狂笑一大輪:

「但佢未兌現喎!等我返屋企追追佢先!」

其實網民應該眼紅嘅唔係一千對鞋,而係問:「點解我唔係杜惠東(或者李嘉誠)個女?」

 

瘋使錢

港女的定義有很多,除了杜如風自認的幾點之外,崇日、最愛shopping及買靚衫、重視外表及愛靚仔這幾項,她都冇可能唔認。

「其實係我粉絲嘅人都知道,我次次拍旅遊特輯,使最多錢就係自己買嘢,拍咗八年從來未賺過錢,每次都只有買突,所以我咪認我係港女囉!」這次去首爾當然不例外,更得到這個「世界級港女」新朵。

因為《流行首爾》中的「一千雙高跟鞋」言論,讓杜如風榮登世界級港女寶座。

「我都係用自己錢,有乜問題先?呢幾年收入多咗,主要靠出騷同拍廣告,總之夠我自己使啦!最緊要係我唔使養家,唔係我邊買到咁多鞋?」

對於無端端被網民狂鬧,杜如風套用爸爸的一句:「當佢哋死嘅!」「香港人怨氣太重,我只係想開開心心做個節目,真係有需要鬧得咁甘?有時我覺得係為鬧而鬧,不過網民我又唔識嘅,鍾意點講我都冇辦法,好彩唔係我自己朋友鬧,香港有言論自由,講乜都得。」

買嘢本來就係港女強項,杜如風向來都不避忌地報告自己使咗幾多錢。

    全站熱搜

    tvb4life 發表在 痞客邦 留言(0) 人氣()